Rooi Wit & Blou

Hy sê dis beter die jaar

Maar sy hart trek nog swaar, so nou en dan

Rooi, wit en blou maak hy sy geld bymekaar

Hy sê daar's oorvloed van gawe so vêr oorkant die water

Maar O' Vader, U weet

Hoe sukkel hy in die aande

So hy maak toe altwee oë

En dan voel hy weer tuis

En hy weet sy's net 'n mens

Maar sy voel soos die huis

En hy wag nog vir die dag

Wat sy nie hoef te wag

Vir hom om terug te kom

En sy tas af te pak

En ons sê Arrie kom huis toe

Dit was nou lank genoeg en

Sy't vir jou lank gesoek hoor

Hoe sy jou huis toe roep sê

Arrie kom huis toe

Want daar's niks meer vir jou

In die rooi, wit en blou

Hy sê verlange raak al sterker

Hy's op voor sy wekker

Vyftien ure werksdae sit hy om in sy trekker

Sy gemoed raak al hoe swakker

Hy lê in die aande wakker

Al sy pelle drink 'n dop op hom in De Akker

So hy dink terug aan die dae

Want dit bring hom geluk

En hy hou nog uit vir die liefde

Want dis moeilik om te vind

En hy wag nog vir sy kans

Oh, hy's so moeg gewag

Om sy tasse te pak

En daai plek te verlaat

En ons sê Arrie kom huis toe

Dit was nou lank genoeg en

Die huis wil jou weer groet hoor

Hoe ons jou huis toe roep sê

Arrie kom huis toe

Want daar's niks meer vir jou

In die rooi, wit en blou