Goeie Ou

En al die mooiste meisies in Stellenbosch

Kon hom nie red nie, sy't hom alles gekos

Hart gebroke toe sy skielik verdwyn

Happy hour specials het gehelp vir die pyn

Ja, hy's 'n goeie ou, hy't net 'n slegte verlede

Hy dra nog swaar aan alles op sy gewete

En as hy val moet jy vang, as hy lê moet jy dra

Ja, hy's 'n goeie ou maar sy kort 'n man soos haar pa

Kalahari kind het in daai dorpie beland

Ontmoet 'n man en hy dra haar op sy hand

Oom Freddie was 'n boer aan die noorde kant

En hy't gese hy gaan haar lief hê soos wat niemand kan

Ja, hy's 'n goeie ou, hy lewe uit sy gebede

Sy vrou en kinders gee hom rede om te lewe

As hy val staan hy op, as hy bid sak hy af

Ja, hy's 'n goeie ou, dalk die beste een wat daar was

Ja, hy's 'n goeie ou

Ja, hy's 'n goeie ou

Ja, hy's 'n goeie ou

Ja, hy's 'n goeie ou, dalk die beste een wat daar was

Vrystaat breker, groot vleis vreter

Mond kort peper, hoop die bokke bring die beker

Hy's 'n man van sy woord, maar sy woorde is skaars

Jy sien hom, net by die kroeg en by die kerk se basaar

Ja, hy's 'n goeie ou hy sukkel net met die tye

Hy kort 'n girl wat op die plaas kan kom kuier

En as jy val sal hy vang want hy gee waar daar kort

Ja, hy's 'n goeie ou maar hy bly te vêr van die dorp

Ek ken 'n ou, dra sy hart op sy mou

Hopeless romantic vanaf ek kan onthou

Eerstespan uit gedraf as kaptein

En na skool het dit alles verdwyn

Ja, hy's 'n goeie ou, sy ma se gunstelling kind

Hy sukkel om die regte woorde te vind

Hy's snaaks, uiteraard, altyd reg met 'n grappie

Ja, hy's 'n goeie ou maar sy eerste liefde is rugby

Daar's 'n goeie ou in elke liewe dorp in die land

Gaan wees 'n goeie ou as jy weet jy kan

Ek weet dis moeilik maar ek stel jou gerus

Ja, jy's 'n goeie ou, dalk die beste een wat daar is

Ja, jy's 'n goeie ou

Ja, jy's 'n goeie ou

Ja, jy's 'n goeie ou

Ja, jy's 'n goeie ou, dalk die beste een wat daar is