Piekniek Vir Twee

Ek sal nou alles, alles kan gee

Vir skadu onder die perskeboom, 'n piekniek vir twee

Hoe lyk jou middag en waar wil jy wees?

Vertel van jou oorwinnings, ek ken al die vrees

Ons sal mos altyd weet

Of jy nou onthou of vergeet

Maar iewers sal die antwoord lê

Of so het jy gesê

Ek dink ons moet plaas toe gaan

Al stof in jou hare en sweet op jou wang

Ek sweer ek is lief vir jou en ek reken jy weet

Ek verlang net so bietjie na alles van ons twee

En ons sal mos altyd weet

Of jy nou onthou of vergeet

Maar iewers sal die antwoord lê

Of so het jy gesê

Onthou jy daai oggend met die donderweer

Jy't vasgeklou aan my lyf, ons was toe een

Jou glimlag red lewens, wel, myne beslis

Ek wens ek kon verduidelik hoe baie ek jou mis

En ons sal mos altyd weet

Of jy nou onthou of vergeet

Maar iewers sal die antwoord lê

Of so het jy gesê, gesê

So het jy gesê, gesê

Ek sal nou alles, alles kan gee

Vir skadu onder 'n perskeboom, 'n piekniek vir twee