Twaalf Rondtes

Sy't geglo dat poësie was die basis van verdraagsaamheid

Die stilte te duur om te koop

Universiteit te vêr om te loop

Die verkenner van my hart het weggekruip in die Weskus se sand

Haar lippe was so sag soos die onverkende smaak van 'n bottel wyn

Ek's 'n fisikus, 'n Einstein en sy was die botaniese tuin

Haar trane was reën en die droogte het in my verdwyn

En dis 'n boks geveg, twaalf rondtes soos 'n tydbom se lont wat te kort is

En hoekom almal vir ons hande klap, ons het die spoor van liefde toegetrap

My hart se vlerke afgekap vir haar

En uiteindelik het die ys gesmelt en die prins van liefde word haar held

Dan word die prins van liefde weer haar held

'n Boheemse komponis het geglo as hy vlug, vind hy vrede

Want daar's 'n rede om lief vir dit te word

Want vrede maak liefde gesond

Dis 'n boks geveg, twaalf rondtes, soos 'n tydbom se lont wat te kort is

En hoekom almal vir ons hande klap, ons het die spoor van liefde toegetrap

My hart se vlerke afgekap vir haar

En uiteindelik het die ys gesmelt en die prins van liefde word haar held

Dan word die prins van liefde weer haar held