Ons Maak Saak

Ons staan op die vlaktes met goud in ons hande

Die wonder van lewe lê stil in die mik van ons harte

Vernuwing vergader, die wind breek die wolke

Die maan en die sterre trek golwe weer nader

Lank of kort, breed of nou, harde klippe kou

Deur die stof en die reën

Dit is dit, geen berou, kyk wat die lewe hou

Dis maak of breek

Van die grond tot na die hoogtepunt waar ons sonlig kry

Al die vrugte is nog ongepluk, daar is meer van my

En al lyk dit soms verlate

Ons groei so deur die krake

Ongeraak, ja ons maak saak

Ons maak saak

Ons maak saak

Jare en jare net deel van die skare

My lot het verander ek lewe net harder

Ek lewe net harder

Net te besonders om te bekommer

Geen tyd om te bewe te besig om te lewe

Dankie vir die kere

Want lank of kort, breed of nou, harde klippe kou

Deur die stof en die reën

Dit is dit, geen berou, kyk wat die lewe hou

Dis maak of breek

Van die grond tot na die hoogtepunt waar ons sonlig kry

Al die vrugte is nog ongepluk, daar is meer van my

En al lyk dit soms verlate

Ons groei so deur die krake

Ongeraak, ons maak saak

Eers die saad onder jou voete val, toe gaan tyd verby

Nou 'n reus waar soveel ander krag, moed en skuiling kry

Daar is meer as sien en glo

Hou jou kop op na bo

Ongeraak, ja ons maak saak

Ons maak saak

Ons maak saak

Jy gaan my nie sê nie wat ek vir my wil hê nie

Kyk mooi, ons gaan nie lê nie, soms koffie, soms Bacardi

Jy't een legende-lewe, soek en vind jou rede

Kyk hoe skop ons weer en weer die deure

Sê jy's lus vir die lewe

Lus vir die lewe

Ongeraak, ons maak saak