Om Jonk Te Wees (Intro)

Om jonk te wees

Dis om wakker te word op ‘n Dinsdagoggend en verbaas te wees oor die aand wat was

Dis die een bier wat verander het in ‘n aand wat jy wens jy kon onthou

En dis die vroegoggend koffie voor ‘n toets waarvoor jy wens jy meer geleer het

Dis die dam-kuiers terwyl die son sy laaste liedjie oor die water sing

En Jack Parrow iewers in die agtergrond tussen stasies sing

Ek het al baie goed verloor en dit nooit ooit weer gevind nie

Ek het al baie vir my ma gesê ek is nie meer ‘n kind nie

Dis die vermoeë om te lag as almal rondom jou wil huil

En te besef die lewe is te kort om jou trane te mors op probleme, wat môre nie eers gaan bestaan nie

Dis net ‘n paar redes wat dit beteken om jonk te wees, vol gees en net in die oomblik te lewe

Dis die dae wat ons ouers ons van vertel het

En ons nagte om gelê en oor droom het

Vandag is al wat ons het, want niemand weet wat môre inhou nie

So probeer geluk vind in die klein goed van jou dag

Bid sag maar aanhoudend, want God luister altyd, al voel dit nie so nie

Wees jonk, wees jouself en weet vandag mag dalk net die dag wees waarvan jy jou kinders eendag van vertel

Wees jonk, wees jouself, wees jy