Halley se Komeet

As ek net meer kan droom

Van die wind in die takke

Van die ou wilgerboom op die plaas

Ek sal alles verruil

Om weer Sondag na kerk

Saam met Remi te huil vir oulaas

Ek wens ek sien weer vir die eerste keer die Suiderkruis

Ek wens my oupa kan weer Halley se komeet uitwys

Soos 'n kindjie na 'n Kinderbybel prentjie kyk

Wil ek vir oulaas weer die stofreën op die grondpad ruik

Kan Pinnochio asseblief nou uit daai walvis klim

As Heidi se oupa net sy snor wil trim

Ek wens ek kan Neels Holgerson laat beter voel

Ek wens die reën wil weer die grondpad op die plaas verspoel

Mamma kook vir ons bokmelk vanaand

Smelt vir ons kaas in die pan

Vertel vir my weer, hoe kry Heidi so seer?

En waar kom Tautau vandaan?

As ek net weer kan glo

Soos 'n kind kan vertrou

Daar's engele daar bo wat ons bles

As ek net weer kan kyk

Hoe die vlei begin loop en hoe jou mielies weer mooi lyk John Wes

Ek wens ek sien weer vir die eerste keer die Suiderkruis

Ek wens my oupa kan weer Halley se komeet uitwys

Soos 'n kindjie na 'n Kinderbybel prentjie kyk

Wil ek vir oulaas weer die stofreën op die grondpad ruik

Kan Pinnochio asseblief nou uit daai walvis klim?

As Heidi se oupa net sy snor wil trim

Ek wens ek kan Neels Holgerson laat beter voel

Ek wens die reën wil weer die grondpad op die plaas verspoel

Is Remi se aapie dan dood?

Of speel hy nog steeds toneel?

Pa, is Nonna al terug?

Is dit reën in die lug?

Of het ek myself weer verbeel

Ek wens ek sien weer vir die eerste keer die Suiderkruis

Ek wens my oupa kan weer Halley se komeet uitwys

Soos 'n kindjie na 'n Kinderbybel prentjie kyk

Wil ek vir oulaas weer die stofreën op die grondpad ruik

Kan Pinnochio asseblief nou uit daai walvis klim?

As Heidi se oupa net sy snor wil trim

Ek wens ek kan Neels Holgerson laat beter voel

Ek wens die reën wil weer die grondpad op die plaas verspoel