In Die Huis Waar Stilte Woon

En hy't gewoon op 'n plaas duskant Senekal

Dit was 'n veeplaas met 'n mooi opstal

En dis moeilik om te glo

Dis die huis waar stilte woon

En die kamer se ruit is steeds gebreek

Waarby 'n kantgordyn sy tong uitsteek

Die skerwe nog op die plankvloer lê

In die huis waar stilte woon

Sy was sy vrou, sy vriend en sy lover

En hy't haar lief soos geen ander

O, en sy was die ma wat sy kinders moes dra

Sy was sy vrou, sy vriend en sy lover

En die reuk van brood hang nie meer daar

Dis net sy stoppelbaard wat na die kiekies staar

Om te sien of haar glimlag nog dieselfde lyk

Maar dis asof sy deur hom na die donker kyk

Hy sê my baby ek trap 'n bloedspoor

Tot hier voor ons agterdeur

En hier voor ons God se altaar

Skaaf ek nou my knieë deur

Sy was sy vrou, sy vriend en sy lover

En hy't haar lief soos geen ander

O, en sy was die ma wat sy kinders moes dra

Sy was sy vrou, sy vriend en sy lover

En hy het haar gekry op die plaas se stoep

Haar arms en haar bene was vol bloed

Hy't haar vas gedruk

En nog asem in haar lyf gesoek

En hy strooi haar as in 'n vloedrivier

Laat haar spoel tot op strande ver van hier

Sodat haar siel kan woon in 'n sandkasteel

En die kinders heel dag rondom haar kan speel

En hy laat wilde rose deur sy geraamtes rank

'n Blom in die vroeë oggend mis

Sodat vlinders vlugtig sitplek vind

Op die plekke waar hy stukkend is

Sy was sy vrou, sy vriend en sy lover

En hy't haar lief soos geen ander

O, en sy was die ma wat sy kinders moes dra

Sy was sy vrou, sy vriend en sy lover