Tussen Treine

Ek wonder wat van jou geword het

Jy wat nog so by my spook

Ek weet net ons het die vuur gemaak

Die wêreld aan die brand gestook

Nou is die nagte soveel stiller

Die dae eis sy eie tol

Maar ons twee was die wilde wind se blare

Ons kaartjies lê die hele wêreld vol

Tussen treine

Tussen stasies

Lê daar basies

Net die leë spore

Tussen treine

Tussen stasies

Lê die leë spasies van die onskuld nou verlore

Nou vra ek waar het alles begin

Die ding van los wees voor die wind

Onthou jy ook die rook, die yster?

Die lig wat in die verte blink

Dan dink ek terug aan soveel dae

Soveel stawe op die spoor

Ja, daar was voorheen 'n tyd van treine

Waar en wanneer het ons dit verloor?

Tussen treine

Tussen stasies

Lê daar basies

Net die leë spore

Tussen treine

Tussen stasies

Lê die leë spasies van die onskuld nou verlore

Elke keer was dit 'n afskeid

Elke keer weer 'n begin

'n Honderd haltes langs die spoor

Elke stasie het sy eie skim

Miskien het ek verleer om te kyk

Jy bepaal jou eie baan (Ooh)

Soms sien ek die skadu van jou spieëlbeeld

As spieëls verbrokkel voor die maan (Aaah)

Tussen treine

Tussen stasies

Lê daar basies

Net die leë spore

Tussen treine

Tussen stasies

Lê die leë spasies van die onskuld nou verlore