Family Ties (feat. Oga Network & Igosave)

My mommy say, "My son, you know the devil"

If no be open eye, e for still dey for heaven

E no like number two, e want to high e level

But today, e no dey among them wey dey for heaven

Solution to problem no dey for bottle of beer

Sure say no be dream wey we dey for here?

You sure say one day person no go wake for there?

Because wetin I dey see, dey make me over fear

And this is not a story book

Teacher don teach you, like you learn, you like you look

But no go turn the fish when chop the worm swallow hook

Because when you go dey drag, na corner we go dey dey look

If na only food wey dey make you come around (E no good oh)

If na only food wey dey make you come around (E no good oh)

If trouble dey, work dey, make you try dey come around

Make you show your neighbor love, cos e no good oh

If na only food wey dey make you come around, e no good oh

Abeg, yo

Why e be say na only when I post better thing

Nai you dey come around, say boss give me something (Ụfụrụkpe)

Screenshot your account dey send me

But when better money dey inside, you no dey send me (Greedy people)

Why e be say we no fit share update? (Why?)

Why e be say you don dey change of late? (Why?)

You no dey give unless say na babe

Na you no get, but na you still do giveaway

You say hi, I say hi, next thing na account

Senior man, your loyal girl dey here dey mount

After honorable don shift your pant

Why you no play my music for am, turn am to my fan?

So he fit dey help me the way e dey help you

But you no go ever gree, greedy girl, fuck you

Urgent 2k kill you there

You dare write me again, in fact, I don block you

If na only food wey dey make you come around (E no good oh)

If na only food wey dey make you come around (E no good oh)

If trouble dey, work dey, make you try dey come around

Make you show your neighbor love, cos e no good oh

If na only food wey dey make you come around, e no good oh

Yeah, the last control you go, them give you 1 meter

You pocket am for knicker, you no tell Anita

You still come her house, come thief her hair

Wicked girl, no be you get 2 million there?

All this thing just remind me of my jazzman

I go e house for Ijebu, na my pastor I jam

E wan hide, I say no need, I understand

No be only you nai things dey hard

Na the day I do for you I be better person

The day I no do, "Leave am, na yeye person"

Before you ask, ask wetin you don do for me

Give man pass wetin e deserve, e go act funny

If na only food wey dey make you come around (E no good oh)

If na only food wey dey make you come around (E no good oh)

If trouble dey, work dey, make you try dey come around

Make you show your neighbor love, cos e no good oh

If na only food wey dey make you come around, e no good oh