Draadloos Dae

Die son gooi miracles

In die vaal ou Karoo

My pa draai die Blaupunkt

Se volume tot bo

En ons luister vir Elvis

Oom Ge en Koos Doep

En die ou bruin Audi vreet die myle

Stuk vir stuk op

In die klipkerk se skadu op Graaf-Reinett

Is die bruin kar se tenk vol

En die drywer mik regs

Om na die verkwikking weer rigting te kry

En die windpomp waai vir my

As ons verby ry

En onthou jy nog die draadloos dae

Van storietyd op stembamba?

En my oupa wat tussen die stasies wonder?

Wat die hel doen André Stander?

Oh en onthou jy nog die draadloos dae

Met ouma wat so biddend vra?

Sal die weerman ons van die reën kom vertel?

Wat sy so op haar knieë bly bestel

Wat sy so op haar knieë bly bestel

En sometimes verlang ek

Na die ou Karoo plaas

Met sy wilgerboom sunsets

En die draadloos wat raas

Ja die eighties voel soos ′n duisend jaar terug

Maar Koos Doep se woorde

Hang vir altyd in die lug

En 'n glimlag lê diep

In die lyne om sy oë

Van ′n man wat net in die Bybel

En die twee uur nuus glo

En 'n kort ronde tannie

Wat agter hom staan

Met 'n vaatdoek en 'n vlieëplak

Sal sy self die droogte verjaag

En onthou jy nog die draadloos dae

Van storietyd op stembamba?

En my oupa wat tussen die stasies wonder?

Wat die hel doen André Stander?

Oh en onthou jy nog die draadloos dae

Met ouma wat so biddend vra?

Sal die weerman ons van die reën kom vertel?

Wat sy so op haar knieë bly bestel

Wat sy so op haar knieë bly bestel