Pilanesberg

Die son kraak die dag soos granate

Wat op die berg se rug val

Ek maak vir ons koffie met liefde uit 'n blikketel

Die reuk van die aand se vure

Hang soos 'n jas oor die kamp

Jare se as wat daar oorbly, ek wens ek kon jou by my hê

Sou jy my weer kon kry op die pad?

Tussen ons drome en heilige stad

En ek roep die berge se blou

Op soek na jou

Die sterre verskiet in die verte

'n Oomblik 'n heilige nag

Ons brand uit ons tyd saam se kerse, soos toe dit net ek en jy was

Sou jy my weer kon kry op die pad?

Tussen ons drome en heilige stad

En ek roep die berge se blou

Vir net nog een dag saam met jou

Sou jy my weer kon kry op die pad?

Tussen ons drome en heilige stad

En ek roep die berge se blou

Vir net nog een dag saam met jou

Kom ons gaan terug

Na Pilanesberg waar ons kon ontvlug

Waar ons net kon wees

En saam huise bou in die lug

Sou jy my weer kon kry op die pad?

Tussen ons drome en heilige stad

En ek roep die berge se blou

Vir net nog een aand saam met jou