Bellevlei

Jy's my vakansie sonder see

In die skadu, my laatoggend-tee

Om jou vir die ewige lewe te ruil

Lief, is die antwoord nee

Lief, is die antwoord nee

Om jou so in jou huis te sien

Is om die toekoms te voel, is om die Here te dien

Jy hang jou klere soos ou stories op

Al jou honde kom kyk, vertel my dit was klein

Was dit klein?

As ek so naby aan jou staan kan ek dit voel

Jou lank terug, jou nou en jou eendag

In 'n piksoen terwyl jy dit wegpak

Bellevlei, is daar iets van my hier begrawe?

Ek weet ek's nou nader aan my rus

Bellevlei, is daar iets van my hier begrawe?

Ek weet ek's nou nader aan my rus

Wat my die seerste maak word krag

Ek hoor die sterkste hart is sagter

En braaf genoeg om te breek

Ek hardloop deur hierdie miltsteek met 'n naam

Is dit klein?

As jy so naby aan my staan kan ek dit voel

My lank-terug, soos klere, is pikswart

Ek glimlag, maar as ons wegpak

Bellevlei, is daar iets van my hier begrawe?

Ek weet ek's nou nader aan my rus

Bellevlei, is daar iets van my hier begrawe?

Ek weet ek's nou nader aan my rus