Maame

Ɔbrafoɔ

Mpem mmienu

Ghana, mabɛduru

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ maseda nie

Maame wayeyi nie

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ mese maseda nie

Maame wayeyi nie

Awoɔ yɛya nanso woampaaba

Wabadayɛ deɛ ɛnna menhuu bi da

Medwen woho a menhu deɛ me nka

Ampa obiaa ntumi nnyɛ deɛ wayɛ ama me wɔ me wiase

Me mmɔfra ase wode ntoboaseɛ ahobraseɛ

Anya meho nteaseɛ ade besi nnɛ

Nti mede me tɛkerɛma bɛpae mu aka sɛ medawase

Nhyira nka wodin

Nyame ma wo ahoɔden

Me nyin na me wo aa maame na mɛto no abadin

Watete mewɔ Nyame suro kwan so

Ɔdɔ a wayi no adi akyerɛ me no deɛ ɛboro meso

Ɛberɛ nyinaa meti da woso

Oh! Nyankopɔn Twerediampɔn

Wona wo bɔɔ ɔsoro ne asaase ne nyankontɔn

Ɛna wo bɔɔ me ɔbrempɔn

Deɛ meserɛ wo ne sɛ hyira me maame anim mprenpren

Ma wɔn nkwa nna wɔ asaase so ɛnyɛ tenten

Sɛ me deɛ wayɛ ama mea, wosɛ ayeyi

Nana Nyame nhyira wo oo, maame

Sɛ me deɛ wayɛ ama mea, wosɛ ayeyi

Nana Nyame nhyira wo oo, maame

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ maseda nie

Maame wayeyi nie

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ mese maseda nie

Maame wayeyi nie

Akomapa nteteɛpa ɔdɔpa nhwɛsopa

Ne nyinaa firi me maame Ama

Ɛyɛ ampa ma menka

Menho adwendwen ahyɛ no ma

Nti ɔkɔ kɛtɛ so koraa ɛyɛ a ɔnda

Ɛnkaka meyare a, ɔntumi nndidi

Obuada ɔde ayɛmhyehyeɛ ahopeprɛ yɛ mekoma pɛdeɛ

Ɛnkɔ si sɛ da meho bɛto me onni anigyie

Mebɛsie, ɔdɔ mu afɛfɛdeɛ

Bɛhwɛ Kwabena abrantiɛ

Maame gyegye meso tesɛ ɔdehyeɛ

Wei nyinaa hwan na ɛbɛyɛ?

Maame nkoaa na ɛbɛyɛ

Mentumi nyi wo bonniayɛ

Deɛ wayɛ, abosome nkron akwantuo

Woate meho nisuo

Hwɛ me nkwadaa bɔnee nsɛm woanfa meho abufuo

Woama me nofo nsuo

Nokorɛ Nyame anim mehunu sɛ wabrɛ meho papa

Woyɛ ɔbaahemaa mentumi mfa wonto chacha

Aseda na wofata mama busa Kwata

Ɔdɔ kɛseɛ bɛn na ɛtesɛ wodɔ oo wiase nyinaa mentumi nteaseɛ

Neɛ akum me koraa ne ɛhwɛ a woahwɛ me maame maame w'aseda nie

Ɔdɔ kɛseɛ bɛn na ɛtesɛ wodɔ oo wiase nyinaa mentumi nteaseɛ

Neɛ akum me koraa ne ɛhwɛ a woahwɛ me maame Ama w'aseda nie oo

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ maseda nie

Maame wayeyi nie

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ mese maseda nie

Maame wayeyi nie

Mekae biribia, mmrɛ a meyɛ akwadaa

Mɛni nka obiaa anim gye maame Ama Dapaah

Mese ɔnyɛ asa saa

Bosome bebiree a mesu aha anadwo anipa nyinaa adeda

Maame dɛdɛɛdɛ menma mewerɛ mfiri wo da

Wo yɛ ɔbaatanpa wo sɔ mensa kɔ skuul

Wohyɛ menkuran mensua adeɛ mbra bɛyɛ Dr. Who

Mefiri abɔnten ba fie a wohyia me yɛ me "awaa waa atu"

Bronya mmrɛ mahyɛ me shoe

Wohyɛ me ataadeɛ ma meho yɛɛfɛ sɛ Scobby-Doo

Ɔyaw ne apenesie a woadi wɔ wiase nyinaa fa meho

Wode me twere wo bo

Wosɛe wo adaagyeɛ nyinaa bɛtena menkyɛn

Na wode kasapa be busa me sɛɛ Kwabena ɛna woho te sɛn?

Mama ɛnkɔ si dabɛn?

Ɔbrafoɔ se adɛn?

Menni biribia ɛka me ma wo ayekoo ne akwaaba

Ɛnnɛ mese masan aba

Mewɔ awerɛhyɛmu sɛ nana Nyame adahoroma ɛbɛyɛ yie nti ɛmpa aba

Sɛ me deɛ wayɛ ama mea, wosɛ ayeyi

Nana Nyame nhyira wo oo, maame

Sɛ me deɛ wayɛ ama mea, wosɛ ayeyi

Nana Nyame nhyira wo oo, maame

Ouuu maame ouu-ouu

Ouu-ouu

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ maseda nie

Maame wayeyi nie

Ɔbaatan na ɛnim deɛ ne mma bɛdie

Mama watete me afiri fie

Ɔbrafoɔ maseda nie

Maame wayeyi nie