Dorings vir Ma

Ons stuur mos graag vir ons moeders blomme en bedoel dit baie goed

In kaartjie vertel ons vir haar van ons liefde

So op 'n dag koop ek weer 'n bos rose

En besluit om dit self vir my ma te neem

Terwyl ek dit hanteer voel ek hoe 'n doring my steek

En dit sit toe in my gedagtes aan die rol

Dae weke maande stil alleen die aande

Soos sy daar sit weet ek dat sy bid

En oor haar wange loop daar trane

Voor haar staan 'n ruiker 'n kaartjie is daaraan

Sy lees dit deur en voel die seer

Want daar is dorings wat haar pla

Voor haar staan 'n ruiker 'n kaartjie is daaraan

Sy lees dit deur en voel die seer

Want daar is dorings wat haar pla

Hoeveel dorings gaan met so 'n bos rose gepaart

En skielik besef ek dat ek self skulgid is aan dorings wat seer maak

Ek sien hoe 'n druppel bloed uit my vel pers

En ek voel die pyn van self verwyt

Soveel keer was ek kort af en onbeskof met haar as sy 'n vraag vra

Terwyl ek hastig is en met my eie dinge besig is

Baie maal het ek nagelaat om haar te skakel

En te laat weet of ek veilig is

En nie daaraan gedink dat sy met onrus wag vir my oproep nie

Soms was ek naby haar maar nie die moeite gedoen on te gaan in loer nie

Wanneer laas het haar laat voel dat sy vir my belangrik is

En sommer vir n verrassings kuiertjie is daar ook nie tyd nie

Ek gaan hou vakansie maar nooi haar nooit saam nie

Sy kla nooit maar moet beslus die pyn van verlatenheid voel

So sien jy jouself in my verhaal dan is dit tyd dat jy besef

Want onthou ons stuur hierdie rose met baie liefde

Maar vergeet die prik van die dorings

Dit bring trane in haar oë want dit is die hart wat bloei

Ek het toe 'n ruiker weer geneem op die kaartjie toe geskryf en weet sy sal vertaan

Vergewe my ma hierdie rose het geen dorings aan

Ek het hulle self afgehaal

Hier is weer 'n ruiker en 'n kaartjie is daaraan

Sy lees dit deur en sy glimlag weer

Want daar is geen dorings aan wat meer pla

Uit my hart is hier n ruiker met 'n kaartjie daaraan

Sy lees dit deur en sy glimlag weer

Want daar is geen dorings wat meer pla

(Geen dorings meer vir ma)

(Geen dorings meer vir ma)

(Geen dorings meer vir ma)