Huis

Los jou dinge hier, ek kyk daarna

Dan hoef ons nie verniet alles terug te dra nie

Jou huis is waar ek is, weet jy dit nie?

Kom pak jou tasse uit want jy is veilig hier

En waar ookal jy is, net daar is ek tuis

Omskep hierdie hart, kom maak dit ‘n huis

Die gange eggo steeds, as jy moet gaan

Kom lê die dinge neer wat jy belangrik ag

En al lek die dak, en die mure breek

Die verf dop af in die skaduwee

Die trappe kraak en die teëls is los-

Liefde oorheers in hierdie huisie van ons

Want die fondasie is vas

Dit begin as ek sink in jou soen sag, meer

As jy my kom genees na 'n lang dag, min

Binne-in wat ek nog moet verduidelik

Dis hoe ek weet dat ek nou by die huis is

Nou by die huis is

Daar is kamers waar ek nie meer ingaan nie

Die lesse klaar geleer, het ek saam gedra

Maar daar’s ‘n tyd en plek vir elke deur

Die donkerste vertrek kon my die meeste leer

En al lek die dak, en die mure breek

Die verf dop af in die skaduwee

Die trappe kraak en die teëls is los-

Liefde oorheers in hierdie huisie van ons

Want die fondasie is vas

Dit begin as ek sink in jou soen sag, meer

As jy my kom genees na 'n lang dag, rus

Waar jy is vir my siel, my bewysstuk

Dis hoe ek weet dat ek nou by die huis is

Nou by die huis is

Maak die vensters wawyd oop

Dat die lig kan inkom

Leer jy nie jou les nie?

Dis nie 'n adres nie

Dis jou mense wat jou huis is

Vas

Dit begin as ek sink in jou soen sag, meer

As jy my kom genees na 'n lang dag, min

Binne-in wat ek nog moet verduidelik

Dis hoe ek weet dat ek nou by die huis is

Vas

Dit begin as ek sink in jou soen sag, meer

As jy my kom genees na 'n lang dag, rus

Waar jy is vir my siel, my bewysstuk

Dis hoe ek weet dat ek nou by die huis is

Nou by die huis is