'N Brief Vir Simone

Vêr onder my druis die stadsgeluide

Die hart van Hillbrow wat flink aanstap

Die straatpredikante en die Hare Krisjna-profete

Groot rooi bus snork verby

Die laataand koerantverkopertjie skree

In die meganiese grammadoela-oerwoud

Hysbakke gly op en af

Blitspatrollie skeur deur die nag

En ek sit op die Hillbrowtoring, ek wag vir sonop

En skryf 'n brief vir Simoné

Ek wil jou hê, Simoné

Ek wil jou hê, Simoné

Ek wil jou hê, Simoné

Die wysies van die aand wink

Straatmusikant se hoed lê honger en wag

Silwer munte van die verbygangers op te vang

'n Blinde met 'n wit stok strompel

En die kunsgalery se gaste sien hom nie

Hul oë volg die Art Nouveau van die Arties

Later dra 'n digter voor, TS Elliot, en hy versmoor die kuns

Maar ek sit op die Hillbrowtoring, ek wag vir sonop

En skryf 'n brief vir Simoné

Jou glimlag was vol deernis

Jy't my oneindige argumente beluister

Met die Pseudoleiers van die kultuur

Hul redenasies oor reïnkarnasie

Sosialisme, sport en oor die digkuns

En of die hele wêreld dalk verkeerd is

Jy soen my toe ons huis toe ry

En die gaste smoorkwaad agterbly

En nou ek sit op die Hillbrowtoring en wag vir sonop

En skryf 'n brief vir Simoné

Ek wil jou hê, Simoné

Ek wil jou hê, Simoné

Ek wil jou hê, Simoné

Onthou jy St Marcus in Venesië?

Die duiwe wat my jas toesak

Jy't gelag en gesê ek lyk vir jou soos Johannes Die Doper

Ek't gesê, kuns het mos geen grense

Jy't my reggehelp en gesê as gevolg van die samelewing

Is die kuns mos gebonde

Maar ons was jonk verliefdes toe

Jou skip het om Die Punt geseil

En ek sit op die Hillbrowtoring, ek wag vir sonop

En skryf 'n brief vir Simoné

Jou handskoen in die stormwater

Die Noordwind, ysig deur ons hare

Herinnering is soms net Freudiaanse insekuriteit

Want Katryn, Katryntjie, my wintervrou

Al my liedjies was net vir jou

My verse naïef maar hart op die mou

Nou weet ek die donkietjie

Se hart verlang na jou

Want hy sit op die Hillbrowtoring, wag vir sonop

En skryf 'n brief vir Simoné

Ek wil jou hê, Simoné

Ek wil jou hê, Simoné

Ek wil jou hê, Simoné