Beste Henry

Ek ken jou pa

En ek hoop al jou paaie draai

Ook daar waar vier ver winde waai

Mag jou skepe van die lewe

Se spore oor die sewe seas draai

En daar vaar waar die hemel strepe silwer sterre saai

So laat die windjie dan maar waai-waai

Laat die hane in die sonnetjie kraai

Kroontjie op die voorkop

Jy het jou pa se hoed op

En soos die son se hang bo Afrika

Is dit jou pa se hoed wat jy daar dra?

Ek ken jou pa

En ek weet die wêreld is klein

Die sirkels word voller

En die binnekant verdwyn

Mag elke môre 'n oophand welk

Flink vere uit die hemelblou

Kyk die dae bars nes granate oop

Elke pit vir jou

So laat die windjie dan maar waai-waai

Laat die hane in die sonnetjie kraai

Kroontjie op die voorkop

Jy't jou pa se hoed op

En soos die son so hang bo Afrika

(Hlis' ukukhanya kuye)

Is dit jou pa se hoed wat jy daar dra?

Soos die son se hang bo Afrika

(Hlis' ukukhanya kuye)

Is dit jou pa se hoed wat jy daar dra?

Jy's 'n Swanepoel van Afrika

(Hlis' ukukhanya kuye)

Is dit jou pa se hoed wat jy daar dra?

So, beste Henry, groetnis alom

Jou pa se vriend, Jantjie Blom