Is die Koeël al deur die kerk?

Ons het hierdie huis gebou

Om 'n leeftyd saam te hou

In hierdie eindelose gang het ons foto's opgehang

Ons twee se toekomsplanne

Die laaste foto op die rak

Afgehaal, in bokse weggepak

Kyk die krake teen die muur, in die begin was hul nie hier

Ons lesse peperduur

Hier's 'n bottel rooiwyn, kom ons praat oor ons eerste soen in Darlingstraat

Hierdie aand toe jy gesê het jy's lief vir my

Vat 'n slukkie rooiwyn en onthou het in die reën gedans, mekaar vasgehou

Dan besluit ons as die laaste druppel val, is die koeël al deur die kerk?

Is die koeël al deur die kerk?

Hier staan die trokke voor die hek

Elkeen op pad na 'n ander plek

Besittings word gedeel, gelaai, nou's ons woorde yl gesaai

Maak jou woorde 'n jakkalsdraai?

Maak ek en jy 'n fout?

Was dit sewe sakke sout?

Kom spyt dalk net te laat, nou sit ons harte weer op staak

Hoe kan ons albei hierby baat?

Hier's 'n bottel rooiwyn, kom ons praat oor ons eerste soen in Darlingstraat

Hierdie aand toe jy gesê het jy's lief vir my

Vat 'n slukkie rooiwyn en onthou het in die reën gedans, mekaar vasgehou

Dan besluit ons as die laaste druppel val, is die koeël al deur die kerk?

Is die koeël al deur die kerk?

Ek sien hoe loop jy weg, is dinge regtig dan so sleg?

Kom ons maak dit alles reg

Ek sien hoe kyk jy terug, kom ons bou aan hierdie brug

Daar's geen rede om te vlug

Hier's 'n bottel rooiwyn, kom ons praat oor ons eerste soen in Darlingstraat

Hierdie aand toe jy gesê het jy's lief vir my

Vat 'n slukkie rooiwyn en onthou het in die reën gedans, mekaar vasgehou

Dan besluit ons as die laaste druppel val, is die koeël al deur die kerk?

Is die koeël al deur die kerk?