Namib Woestyn

Genade so groot soos die Messenkrate

Kom vloei deur my are tot my droogtes verdwyn

Geduldige Welwitchia wag vir hemel water

Vanaand lê jy knus in my gryn

Met eenvoud verknog aan die doodse stiltes

Waar vaders van tyd vir hul rykdom kom grou

Misterie en wysheid agter al jul bulte

Vanaand kuier my hart by jou

O Namib woestyn, laat my seer in die weste verdwyn

Namib woestyn, jou eenvoud maak alles piekfyn

Van Walvisbaai tot by Brandberg se kruin

Van vanaand af lê jy knus in my gryn

Tydlose Aarde waar my hart nou wandel

Vat skuiling in skeure as die Ooswind jou brand

Dan dink ek aan jou tot die berge kantel

Ek het lief geword vir hierdie land

O Namib woestyn, laat my seer in die weste verdwyn

Namib woestyn, jou eenvoud maak alles piekfyn

Van Walvisbaai tot by Brandberg se kruin

Van vanaand af lê jy knus in my gryn

Van Walvisbaai tot by Brandberg se kruin

Van vanaand af lê jy knus in my gryn

Vanaand lê jy knus in my gryn