Kasiebo

Yee, onwunu adwo

My people, yɛrebɔ dawuro, nti monyaa aso

Yee, onwunu adwo

My people, yɛrebɔ dawuro, nti monyaa aso

Yɛɛkyiakyia mo nyinaa, yɛde nkaseɛbɔ brɛbrɛ mo nyinaa

Yɛɛkyiakyia mo nyinaa, yɛde nkaseɛbɔ brɛbrɛ mo nyinaa

La la la la la la la

Mmiɛnsa, mmienu, baako, hwii boom

La la la la la la

Sɛ wɔapie sɛ asa afei ka w'ano to mu

Ɔman dehyeɛ mekyia mo

Execution FM na mo aso gu so

Nɔnsia kaseɛbɔ, mederebrɔ mo

Mo somfo Guru na ɛde kaseɛbɔ yi rebrɛ mo

Nsɛm no dɔɔso, mabɔ no tɔfa

Deɛ adi ho akotene nso na mederebɛto dwa

Yɛwɔ surprise bi ɛwɔ yɛ telephone

Ne latest track mpo na medeayɛ me ringtone

Agya, mema wo akwaaba ba efidie yi so

FM yi wɔ nsɛm bi a, yɛpɛ sɛ yɛbisa wo

Ɛyɛ a, nkrɔfɔ taa frɛ bisa me sɛ

Mereka no sɛn Ɔbrafoɔ yi ɔwɔ Ghana ha?

Ebinom se yɛtee wo nka wɔ America

Campaign trail, wo ne Obama, ɛyɛ ampa?

Ɛno nti na mebɔɔ kɔn tene kɔɔtwi deɛ a Breman nsɛmtwerɛfoɔ ɛbɛ pɛɛ wo

Agya merebisa wo question, wo deɛ gyina so minute tiaa bi ma menbɔ me bow-tie

You've been away for too long

Ama mpopɔtwewa bi ahyɛ aseɛ grow horn

Nti da bɛn koraa na wobɛpie?

W'apawa foforɔ no, da bɛn woreda no adie?

Meda wo ase, wose deɛn ni, radio bɛn ni?

Hello, hello, hello

Yɛte wo nka, wo deɛ kasa

Yie, m'ahoma yi koraa deɛn ni?

Wote me nka (Aane)

Metumi kasa (Aane, kɔ so)

Ei, sorry, na m'ahoma retwetwa

Yoo, wei deɛ woabisa bi, na me nsɛmpa

Ɛyɛ nokware trodoo, motee me nka akyɛ

Mekɔɔgye m'ahome, ɛtɔ da a, na mede me ho atɛ

Na wose sɛn, wose, me ne Obama na, yɛreto Hosanna, wɔ he? Oh Ghana

Me mpo meteeyɛ, yɛse mehyɛ Kanta

Nkrɔfoɔ se m'anum nsɛm asa, mentumi mpie da

Ɛnso ɛnyɛ nokorɛ, false propaganda

Nipa bonefoɔ, Taliban na Al-Qaeda

Wɔkankye, nante me nti na wɔ chante

Ɛneɛ monya adaagye, afei na morebɛhwease

Mete ase, afei na merebɛyɛ no gidigidi

De agyegye mo cedi cedi, mombɛhwɛ me fiili fiili

Live on your TV TV

Ɔbrafoɔ mate paka na mereye huri huri, ɛbɛyɛ mo sɛ sini sini

Okay, bra panyin, gyina so ansa

Amanfoɔ, yɛrekɔgye nkratoɔ aba

Na ɛhyɛ mu

Sɛ menni hɔ anka mopɛ

Agyinamoa nni fie a, nkura twe kɛtɛ

Nnyɛ mo na moayɛ o, mea na mayɛ

Sɛ me kɔɔ yɛ, maba, monbɔbɔ mo kɛtɛ

Na ɛhyɛ mu

Atiefoɔ, yɛ kɔɔ gye nkra, afei y'aba biom

Me ne Ɔbrafoɔ bɛtoatoa yɛn nkɔmmɔ didie mu

Ɔbrafoɔ, wowɔ hɔ? Anaa yɛ tetephone no mpo ate kɔ?

Nti mo deɛ, momma yɛntoa kaseɛbɔ yi so

Yɛnsa ka no a, yɛbɛ san de no ato ahoma ne so

Nkra yɛn nsa aka firi Kumasi ne sɛ

Nnwomtonii OK, nso akɔto mmona

Ɔde abaayewa bi a, adi nfie nwɔtwe aforo mpa

Wɔayene no, wɔayɛ no dosodoso, awenyaa

Ka na wu, ɛyɛ sene sɛ deɛ woretweetwee

Deɛ ɔnni nokorɛ awene ne se retweetwee

Ɔbɛdane san bɛdane, ɛne n'adwendwene

Abɔdin fata wo a, na wodi ho post

Nanso deɛ mehunu yi, mehunu wɔn mo te sɛ China phone

Obi agye abɔso "Best Rapper Alive"

Nanso yɛhwehwɛɛ mu, ne album mpo nduruu five

Nana, woaba ahoma yi so, ma menbisa wo

Nsɛm bi sei, wodwene ho sɛn, anaa meehaw wo?

Woama m'ani agye, me nua si aboterɛ

Democracy nti, obiara ne n'adwenkyerɛ

Momma mo bonfu, awiase, biribiara wɔ ne mmerɛ

Nananom aka ato hɔ dada, masan sensrɛ

Yɛse ɔkɔtɔ de anibrɛ sɔ deɛ ɛnsɔ a, ɔbu n'aprɛ

Mongyae no, wɔayɛ agrɛ, daakye ɔbɛka nokorɛ

Abɛkyi a, ɔbutu kwan ho mpo, se wɔanyini

Wosi kwan so sɛ wanyini, na deɛ ɔde wo butuu hɔ

Ɛyɛ a, na ɛyɛ me mɔbɔ, ɔdasani nhu ne ho mɔbɔ

Pagya n'abɛti sɛ bɛpɔ na wɔɔkeka mu sɛ sebɔ

Sɛ wogyenegyene wo ho, wopae sɛ pɔmpɔ

Wo ara wokanfo wo ho a, ɛnkyɛ na woate atɔ

Ah, ampa, w'ano ate

Gyabera wofiri ahenfie saa na mate

Asɛmbisa a, ɛtwa toɔ, Ɔbrafoɔ

Kɔnkɔnsanii bi a, ɔbɛto nsɛm twerɛfoɔ

Metee nnwom bi, "Killing the Game"

Nti yɛbɛyɛ no yie a, ɛno ne "Atopa Jenjen?"

Mepɛ sɛ wokyerɛ yɛn mu, simple and short, yɛse Hiplife awu

Oh, wahyɛ da anaa, Krakye?

Awuu dabɛn na mante?

Anaa ɛyɛ fish moakye no awe Auntie Muni waakye

Hiplife wu a, yɛbɛsu ama yɛ ti ate

Ɛneɛ sɛ anka afei na yɛn nyinaa yɛ to bɛtete

Deɛ menim ne sɛ music is dynamic

Deɛ ɔmpɛ nsakraɛ yɛ no na ahunu amane

Sɛ awu o anwuuyɛ o me deɛ anhia me

Ɛmom, woyɛ ɔdwomtonii, na woyɛ okunini

Sɛ ɛmmerɛ dane dane, na sɛ nnwom mane mane a

Me nua, ɛndwane dwane, dane wo ho bi (Ɔbrafoɔ, ɛnyɛ mmerɛ)

Wo deɛ, to wo bo na menkyerɛ wo me me concern

Nsɛmfuo a ɛwɔ nnwom mu a Obroni frɛ no content

Ɛno na ɛtɔ siin, mempɛ sɛ mɛbobɔ din

Da foforɔ, ma me mmerɛ na menkyerɛ m'adwen

Yoo, yɛ nsɛm pa o, amanfoɔ

Deɛ motee ne nka no ne rap Sɔfoɔ

Mo somfo Guru nie

Yee, onwunu adwo

My people, yɛrebɔ dawuro, nti monyaa aso

Yee, onwunu adwo

My people, yɛrebɔ dawuro, nti monyaa aso

La la la la la la la

Mmiɛnsa, mmienu, baako, hwii boom

La la la la la la

Sɛ wɔapie sɛ asa afei ka w'ano to mu

La la la la la la la

Mmiɛnsa, mmienu, baako, hwii boom

La la la la la la

Sɛ wɔapie sɛ asa afei ka w'ano to mu

Mmiɛnsa, mmienu, baako, hwii boom

Sɛ wɔapie sɛ asa afei ka w'ano to mu