Lullaby Vir Suid-Afrika (feat. Jak de Priester)

Kyk hoedat die son oor Jakobsbaai verdwyn

Met die witgekalkte huisies en die seemeeus in jou tuin

Kyk hoe smous die locals in Paternoster almal kreef

En vir ’n laaste dop by die Pantie Bar sal jy my gou vergeef

Kyk net al die tente op Tietiesbaai se sand

Kyk hoe vlieg die helder kites oor Langebaan se strand

Kyk hoe breek die golwe oor Muizenberg se kus

Kyk koop die mense op Kalkbaai almal vis

Gee vir my die Suiderkruis, laat dit skyn oor my

Miskien as ek gaan slaap sal die lig by my kom bly

Skyn liewe maanlig, skyn oor ons land

Dan sien ek in my drome weer die see se spierwit sand

Dan sien ek in my drome weer die see se spierwit sand

Kyk hoe ’n duisend sebras in die Wildtuin water drink

Hoor hoe ’n donderstorm oor die bosveldaarde klink

Kyk die stokou plaashuis in die middel van die Karoo

En die mense wat op die stoep sit wat soos kinders nog kan glo

Kyk die Jakarandas lê pers om die Brooklyn Mall

Kyk die reënboog kleurtapyt wat oor Namakwaland uitrol

Kyk die spierwit aarde in die Vrystaat se wintertyd

Kyk hoe groet daai windpomp, dis die eensaamste geluid

Gee vir my die Suiderkruis, laat dit skyn oor my

Miskien as ek gaan slaap sal die lig by my kom bly

Skyn liewe maanlig, skyn oor ons land

Dan sien ek in my drome weer die see se spierwit sand

Dan sien ek in my drome weer die see se spierwit sand

Kyk hoe vat ons hande toe Madiba daai dag groet

Ek is lief vir hierdie wêreld, dis my mense, dis my bloed