'n Man Stap

'n Man stap deur die strate, jy kan sien hy's van die stad

Hy dra 'n donkerbril en Calvin Klein en sy baard is kort en glad

Hy dink hoekom is ek hier, na wat is ek opsoek

Was hier nie 'n klein kafeetjie nie, net hier om die hoek?

En waar is die Scala-bioskoop, het hulle dit gesloop?

Die sinagoge was in die gebou waar jy jou meubels koop

Die Jode het almal weggetrek, die ou-mense is dood

En die laaities sit nou sonder werk, hul voete in die sloot

Wat maak ek in die dorpie, nee, hier kan ek nie bly nie

Ek bly nou in Toronto, maar Toronto's nie vir my nie

Die somers is bedompig en die winters is te koud

En jou hele lewe hardloop jy en eendag, eendag, eendag, eendag is jy oud

Hy stap by die Pandora in, bestel koffie en chocolate-koek

Hy dink hier't ek eers vir Elvis gehoor op daai jukebox in die hoek

En tussen verlepte varings staan 'n tenk vol goue vissies

En die vrou agter die toonbank, sy dink haar naam is Missies

Wat maak ek in die dorpie, nee, hier kan ek nie bly nie

Ek bly nou in Toronto, maar Toronto's nie vir my nie

Die somers is bedompig en die winters is te koud

En jou hele lewe hardloop jy en eendag, eendag, eendag, eendag is jy oud

Hy stap by die hoofstraat af tot by die Central Hotel

En hy luister na die prediker wat met sy Bybel skree en skel

Hy sê, "Die duiwel het ons beet en hy ly ons om die bos"

Hy dink, wanneer gaan die spoke van die ou-ou-dae ons los?

Wat maak ek in die dorpie, nee, hier kan ek nie bly nie

Ek bly nou in Toronto, maar Toronto's nie vir my nie

Die somers is bedompig en die winters is te koud

En jou hele lewe hardloop jy en eendag, eendag, eendag, eendag is jy oud

Die hek is nog dieselfde, maar die stoep is 'n ander kleur

Hy stap oor die crazy paving en klop liggies aan die deur

'n Mooi jong vrou maak effens oop, sy sê kan ek help meneer?

Hy sê, "Jammer maar ek is 'n vreemdeling en my hart is in twee geskeer"

Hy sê, "Jammer maar ek is 'n vreemdeling en my hart is in twee geskeer"