Elandsbaai

Daar’s ‘n klein vissersdorpie teen die see

Langs ‘n oerou sprokies meer en spierwit duinesand

Waar die branders aangerol kom teen die rotse en die strand

En die kinders in die sonskyn rondbaljaar

Waar ‘n hengelaar van vroeg af sy geluk weer kom probeer

En ‘n paartjie skryf hul liefde in die sand

En eenkant weer ‘n stokou visserskuitjie teen die wind

En ek weet ek het myself weer hier gevind

Elandsbaai waar ‘n haan vroeg soggens kraai

En ‘n seemeeu heeldag draai op ‘n suid-ooste wind

Elandsbaai waar die oggendmis se dous

Na ‘n sterrenag se kou weer nuwe lewe bring

My hart lê daar

Op Elandsbaai

Daar kan ek in die oggend in die ligte briesie dwaal

My gedagtes met die branders deel

Ek kan droom van my drome

Nuwe lugkastele bou en soos ‘n kleintjie op die strand rondspeel

Dis my klein paradysie in my sukkelmens bestaan waar my lewenspaadjie vrolik vir my wag

Dis my klein Westersdorpie in die Sandveld kontrei

Dis waar jy my altyd weer sal vind

Elandsbaai waar ‘n haan vroeg soggens kraai

En ‘n seemeeu heeldag draai op ‘n suidooste wind

Elandsbaai waar die oggendmis se dou

Na ‘n sterrenag se kou weer nuwe lewe bring

Elandsbaai waar ‘n haan vroeg soggens kraai

En ‘n seemeeu heeldag draai op ‘n suidooste wind

Elandsbaai waar die oggendmis se dou

Na ‘n sterrenag se kou weer nuwe lewe bring

My hart lê daar

Op Elandsbaai