Liechtigkeit

I tröime geng dervo

Dass sie würd ume cho

Ändlech wieder chiem

Blybt u nümme gieng

Weni wüsst, dass es so wär

Wär ds Warte druf - halb so schwär

D’Sache sige so

Wisi eim schyne

Jede het e Troum

U das isch jetze mine

Wär weiss scho was würklech geit

Was isch Troum - was Würklechkeit

Wasi weiss isch nume eis

Ohni sie dräii mi im Kreis

Ringsetum blybt aues stah

Chami nid gwöhne dra

I steumer vor s’wär morn verby

I steumer vor wi’s mal isch gsy

Wo isch si blibe d’Lockerheit

Di unbeschwärti Liechtigkeit

Si fäut mer hie, si fäut mer da

Si fäut mer scho vo Aafang aa

Wo isch si blibe d’Lockerheit

Di unbeschwärti Liechtigkeit

Drum tröimeni dervo

Dass sie würd ume cho

Ändlech wieder chiem

Blybt u nümme gieng

Weni wüsst, dass es so wär

Wär ds Warte druf - halb so schwär

I tröime geng dervo

Dass sie würd ume cho

Ändlech wieder chiem

U geng - a mire Syte stieng