Millionär

Oh ja, i hange im mim Sofa aber tue mer chli schwär

Schongliere mit rote Zahle i mim Chopf hin und här

Nume offeni Rächnige u ds Konto isch läär

I gloub es wäri alles gäbiger als Millionär

Aber ds Bare isch rar - uds Konto fasch läär

U Kreditcharte git ja ou grad nümm so viu här

Nume einisch aagno i hätt e Million

No besser zwöi oder drü, jede Monet als Lohn

I chönnt mer alles leischte ohni Diskussion

Uni wäri ire aagnähmere Situation

U Bars wär nid rar - uds Konto nid läär

U Kreditcharte gäbe jeder Zyt öppis här

Hätti äch e Sägu-Jacht ufem Zürisee

In St.Moritz es Luxus -Troumchalet

Es Zwöit-Penthouse-Appartement in Verbier

Une private Jet oder zwe

Ufen erscht Blick isch das ja villech verfüererisch

Ufe zwöit isches ender überflüssig u trischt

Eigetlech bini zfride wi im Wasser e Fisch

U drum blybt alles bim Alte, grad eso wie’s jetz isch

Ud’s Bare isch rar - uds Konto fasch läär

U Kreditcharte git ja ou grad nümm so viu här

Aber i wott ja gar ke Sägu-Jacht ufem Zürisee

In St.Moritz kes Luxus -Troumchalet

Kes Zwöit-Penthouse-Appartement in Verbier

Ke private Jet oder zwe

Ja, ds Bare isch rar - uds Konto fasch läär

U Kreditcharte git ja ou grad nümm so viu här

I wott ja gar ke Sägu-Jacht ufem Zürisee

In St.Moritz kes Luxus -Troumchalet

Kes Zwöit-Penthouse-Appartement in Verbier

Ke private Jet oder zwe