Kaakka Kadhai Crow Story Song

சூரியன் மேற்கே போயாச்சு

பாப்பா உறங்கும் நேரம் வந்தாச்சு

பட்டு மெத்தை இருக்கு வா பாப்பா

நீயும் படுத்து உறங்கலாம் வா பாப்பா

சூரியன் மேற்கே போயாச்சு

பாப்பா உறங்கும் நேரம் வந்தாச்சு

பட்டு மெத்தை இருக்கு வா பாப்பா

நீயும் படுத்து உறங்கலாம் வா பாப்பா

மாட்டேன் அம்மா மாட்டேன்

நான் இப்போ உறங்க மாட்டேன்

ஏன் செல்ல பாப்பா

உனக்கென்ன வேணும் சொல்லு பாப்பா

ஏன் செல்ல பாப்பா

உனக்கென்ன வேணும் சொல்லு பாப்பா

நல்ல கதை ஒன்று அம்மா சொல்லணும்

அதை கேட்டு கொண்டே நான் தூங்கணும்

பாப்பா உனக்கொரு கதை சொல்லுவேன்

நல்ல பாட்டாய் பாடி கதை சொல்லுவேன்

கண்ணே மணியே கதை கேளு

அறிவால் ஜெயித்த காகத்தின் கதை கேளு

காக்கை ஒன்று நாட்டினிலே

தண்ணீர் தாகத்தால் தவித்ததே

அங்கும் இங்கும் அலைந்ததே

ஒரு வீட்டின் பக்கம் வந்ததே

ஜாடி ஒன்றை கண்டதே

அதனடியில் தண்ணீர் இருந்ததே

உள்ளிருக்கும் தண்ணீரை வெளியே எப்படி எடுப்பது?

யோசித்து பார்த்த காகத்திற்கு நல்ல யோசனை வந்தது

சின்ன சின்ன கற்களை எடுத்து

ஜாடியினுள்ளே போட்டதே

தண்ணீரும் மேலே வந்தது

காகத்தின் தாகம் தீர்ந்தது...

எல்லா கேள்விக்கும் பதிலுண்டு

எல்லா இரவுக்கும் விடிவுண்டு

அறிவால் எந்த தடைகளையும்

எளிதாய் நாமும் வெல்லலாம்

காகமும் பறந்து போயாச்சு

செல்ல பாப்பாவும் தூங்கி போயாச்சு...