Arbeit

Es is nu finster und da hear i eam scho

Er redt nix und huast vü

Warmt Kaffee am Réchaud

I lieg no in da Hapf'n

Wann de Tür draußt geht

Weil in die Arbeit, in die Arbeit kummt ma net zu spät

Weil in die Arbeit, in die Arbeit kummt ma net zu spät

Vorbei an de hoch'n Häuser

Voller z'samm g'stauchte Leit

Zeascht mit'n Rad'l, dann mit'n Moped

Aufs Auto spoart er bis heit

Er is bald derrisch von da Hock'n

Und er is blind fürs Leben

Weil in da Arbeit, in da Arbeit muas ma ollas geben

Weil in da Arbeit, in da Arbeit muas ma ollas geben

Wann er ham kummt, is finster

Da Tog is vurbei

Er hat 'tan, wos zum tuan is

Weil des muas so sei

Er redt nix und huast vü

Er wü sei Ruah und sein Tee mit Rum

Weil des Leben is Arbeit und de bringt eam um

Jo weil des Leben is Arbeit und de bringt eam um