Strada del Sole

Ich steh in da Hitz an der Strada del Sole

Die Fiaß tamma weh in die neichen Sandale

Mei Freindin is oposcht mit an Italiano

Des Göld hams ma gstessn, jetzt stehr i allan do

Und hab kane Lire (Hab kane Lire), i hab kane Lire (Hab kane Lire)

Und kane Papiere ( Pa-Pa-Pa-Papiere)

So wos haut de net fire

Auf amoi wars Päule mit dem Papagalle, mh hm mh

Und mi loßts da anglahnt

In meine neichen Sandale, des is a Skandale

I hab kane Lire und kane Papiere, so wos haut di net fire

Er wollte Amore mit Bella Ragazza

Auf sentimentale und auf da Madrazza

Dann is er no antanzt min Alfa Romeo

Zerscht hab i no ausglocht und jetzt stehr i schee do

Und hab kane Lire (Hab kane Lire), i hab kane Lire (Hab kane Lire)

Und kane Papiere ( Pa-Pa-Pa-Papiere)

So wos haut de net fire

Er hots mitn Schmäh packt auf dolce va niente, mh hm mh

Net sehr vül im Hirn, ober molto potente, dem hau i die Zähnt ei

I hab kane Lire und kane Papiere, so wos haut di net fire

I wollt nach Firenze, nach Rom und nach Pisa

Doch jetzt hab i endgültig gnua von die Gfriesa

Total abgebrannt steh i da ganz allani

War i nur daham blieb bei meine Kumpani

I winschat des ollas am liabsten zum Teifl, mh hm mh

Was brauch i den Bledsinn?

I steh aufs Gänsehäufe, auf Italien pfeif i