Du (bes die Stadt)

Du bes die Stadt, op die mer all he stonn

Du häs et ons als Pänz schon aanjedonn

Du häs e herrlich Laache em Jeseech

Du bes die Frau, die Rotz un Wasser kriesch

Jrau ding Hoor un su bunt di Kleid

Du häs Knies en der Bud, doch de Näjele ruut

Jrell jeschmink un de Fott jet breit

E Jlöck, dat dir dat all jot steit

Du bes die Stadt, op die mer all he stonn

Du häs et ons als Pänz schon aanjedonn

Du häs e herrlich Laache em Jeseech

Du bes en Frau, die Rotz un Wasser kriesch

Frech wie Dreck, doch et Hätz ess joot

E klei bessje verdötsch, met nix jet am Hoot

Joot jelaunt, dat et bal schon nerv

All dat hammer vun dir jeerv

Du bes die Stadt, op die mer all he stonn

Du häs et ons als Pänz schon aanjedonn

Du häs e herrlich Laache em Jeseech

Du bes en Frau, die Rotz un Wasser kriesch

Du bes die Stadt am Rhing, däm jraue Strom

Du bes verliebt en dinge staatse Dom

Du bes en Jungfrau un en ahle Möhn

Du bes os Mam un du blievs iewig schön

Du bes die Stadt am Rhing, däm jraue Strom

Du bes verliebt en dinge staatse Dom

Du bes en Jungfrau un en ahle Möhn

Du bes os Mam un du blievs iewig schön

Du bes ons Stadt un du bes einfach schön