Du kriss Kölle nit us mir

Setz ich allein - am Bahnhoff, irjendwo

Maach ich en Reis durch ming Jedanke, Richtung Dom

Nie wor et leis - en dingem Schuß

E Leed vum Ostermann un ich föhl mich zo Hus

Üvver "Dom un Rhing un Sunnesching" han ich ald of jelaach

Wat iwich bliev, es wat ich jetz sach

Du kriss mich us Kölle, ävver Kölle nit us mir

Dausende Erinnerunge, deil ich nur met dir

Met jedem jraue Fleck verbingk ich irgendjet

Vielleich krisste mich us Kölle, ävver Kölle nit us mir

Ston ich allein - am Airport, irjendwo

Denk ich, wie schön et es doheim, do wo ich wonn

Denn all die Lück, die wie Famillisch sin

Trecke mich ein Million Mol zo dir hin

Un kruffe ich unger de Ääd, wä weiß, vielleich han ich dat Jlöck

Et bliev e bessje mih wie nur Stöbb

Du kriss mich us Kölle, ävver Kölle nit us mir

Dausende Erinnerunge, deil ich nur met dir

Met jedem jraue Fleck verbingk ich irgendjet

Vielleich krisste mich us Kölle, ävver Kölle nit us mir

Un wenn ich ene Wunsch frei hätt

Dann bliev su wie de bes

Och wenn die janze Welt am durchdrihe es

Un jeder, dä em Düstere tapp

Dä höllste dir zeröck

Du bes e Leech - ne Wäch un en Bröck

Du kriss mich us Kölle, ävver Kölle nit us mir

Dausende Erinnerunge, die deil ich nur met dir

Met jedem jraue Fleck verbingk ich irgendjet

Vielleich krisste mich us Kölle, ävver Kölle nit us mir

Met jedem jraue Fleck verbingk ich irgendjet

Vielleich krisste mich us Kölle, ävver Kölle nit us mir

Vielleich krisste mich us Kölle, ävver Kölle nit us mir

Vielleich krisste mich us Kölle, ävver Kölle nit us mir