Toaa We Teoam

وتقع وتقوم وتقوم وتقع

في الفرح دموع ودموع يا وجع

مين قال مقسوم؟ كداب يا ودع

ده إنت اللي في ايدك طرف الخيط

في الزحمة وشوش جاية اوبتروح

خايف على قلبي يبات مجروح

ضحكة من الحلوة ترد الروح

تفتح شبابيك وبيبان البيت

أنا صابني الحزن مقولتش ليه؟

وعاندني الحزن قدرت عليه

ويا بحر حلفت إني أعديه

ويفوت العمر لو استنيت

دقيت ع الصبر فتحلي الباب

وحكالي هموم كل الأحباب

ويا فرحة اترسمت بعد غياب

وقالتلي اتفضل لما ناديت

الحلم براح والكون مشاوير

الغنوة جناح ياخدك ويطير

ده العشق مالوش أصل وتفسير

ويبان في عيونك مهما داريت

أنا صابني الحزن مقولتش ليه؟

وعاندني الحزن قدرت عليه

ويا بحر حلفت إني أعديه

ويفوت العمر لو استنيت

الناس فوازير وسطور وحكايات

وساعات براويز وساعات متاهات

ودموع بتدوب وسط ابتسامات

تضحك دمعاتك لو حنيت

مكتوب للغايب يوم هيعود

مكتوب للغصن يضم ورود

من حضن الليل فجرك مولود

وتبات ونبات زي الحواديت

أنا صابني الحزن مقولتش ليه؟

وعاندني الحزن قدرت عليه

ويا بحر حلفت إني أعديه

ويفوت العمر لو استنيت