فاكرة أما كنا ساعات نلف ساعات نطوف
نحكي الحكاوي بالألوف وما ننسهاش
فاكرة أما كنا ساعات نلف ساعات نطوف
نبني في بيوت حيطانها خوف ما سكنهاش
فاكرة الطريق أوقات يضيق يقلب زلط
ونخاف تكون مشاوير غلط وما نمشيهاش
فاكرة الطريق أوقات يحس ساعات يروق
تملى الخيوط الشمس وتسد الفروق
وشعور تطير أخاف وأغير ما لمستهاش
فاكرة أما كنا ساعات نلف ساعات نطوف
نضحك على ساعة الزمن ما يعديهاش
تجري عواميد جنبنا حتى اليفط تضحكلنا
تقطعها كلمة مننا هنزل هنا
دلوقتي وحدى ساعات أنا هي كمان ساعات تطوف
نسمع أغاني بعضنا ما نغنيهاش
فاكرة أما كنا ساعات نلف ساعات نطوف
