مخبيالنا ايه يا دنيا (موال هاني)

دنيا وبجاريها ومش لاحق في الصدمات ما بتتوصاش

كل ما أقول بطلت أتفاجئ، تضحك ضحكة ما بفهمهاش

ومخبيلنا إيه يا دنيا؟ خبطة جديدة كل ثانية

خضة تيجي ورا التانية وتفجئينا بحكايات

وقبل ما نفوق من صدمة، بتلحقينا بالتانية

اهدي بقى علينا شوية، ده إحنا ما فوقناش من اللي فات

وأنا كنت راضي بفرحي والهموم

وحياة عادية، أكل، شرب، نوم

وطريق عادي زي كل يوم

يحود فجأة ما أشوفش من الغيوم

ساقع، سخن ما بلحقش أستوعب

كله اتلغبط، كله بيتكركب

وأنا اللي كنت مظبط ومرتب

أجدعها تيار أنا عكسه بعوم

ومخبيلنا إيه يا دنيا؟ خبطة جديدة كل ثانية

خضة تيجي ورا التانية وتفجئينا بحكايات

قبل ما نفوق من صدمة، بتلحقينا بواحدة تانية

اهدي بقى علينا شوية، ده إحنا ما فوقناش من اللي فات

وأنت اللي كنت في يوم بعيد عني، بيني وبينك مسافات

إيه اللي قربنا لبعض في ثانية؟ أما الدنيا دي عليها حاجات

وتودينا لسكة غريبة مع ناس ولا تخطر على بال

تكسر وأسند وأعند، تعند، ما بترساش أبدًا على حال

ومخبيلنا إيه يا دنيا؟ خبطة جديدة كل ثانية

خضة تيجي ورا التانية وتفجئينا بحكايات

قبل ما نفوق من صدمة، بتلحقينا بواحدة تانية

اهدي بقى علينا شوية، ده إحنا ما فوقناش من اللي فات