Passione

Cchiù luntan mme staje

Cchiù vicin te sento

Chisá a chistu mumento

Tu a che pienze... che faje

Tu mm'hê miso 'int"e vvéne

Nu veleno ch'è doce

Nun m' pesa 'sta croce

Ca trascino pe' te

Te voglio... Te penzo... Te chiammo

Te veco... Te sento... Te sonno

E' n'anno

Ce pienze ca è n'anno

Ca st'uocchie nun ponno

Cchiù pace truvá?

E cammino, cammino

Ma nun saccio addó' vaco

I' stó' sempe 'mbriaco

E nun bevo maje vino

Aggio fatto nu voto

â Madonna d"a neve

Si mme passa 'sta freve

Oro e perle lle dó'

Te voglio... Te penzo... Te chiammo

Te veco... Te sento... Te sonno

E' n'anno

Ce pienze ca è n'anno

Ca st'uocchie nun ponno

Cchiù pace truvá?