Dekho-dekho, kaisi baatein yahaan ki
Hain saath, par hain saath na bhi
Kya itni aasaan hain?
Dekho-dekho, jaise mere iraade
Waise kahaan tere yahaan the?
Haan, kitni naadaan main
Mere husn ke ilaawa kabhi dil bhi maang lo na
Haaye, pal mein main pighal jaaun, haan
Ab aisa na karo ke dil jud na paaye waapis
Teri baaton se bikhar jaaun, haan
Maana, zamaana hai deewaana
Isiliye tune na jaana
Tere liye main kaafi hoon
Dekho-dekho, yeh zamaane se thak kar
Aate ho kyun maasoom ban kar?
Tere liye main kya hi hoon?
Phir aate kyun yahaan karne aankhon mein ho baarish?
Ab aaye toh theher jaao na
Aur poochho na zara mere din ke baare mein bhi
Bas itne mein sambhal jaaun, haan
Haan, ek din kabhi koyi
Jab bhi padhe kahaani teri
Lagta mujhe, mere naam ka
Zikr kahin bhi hoga nahin
Haan, main yahin
Meri yeh aankhon mein, aankhon mein toh dekho
Dekho, yeh dil ka haal kya, honthon se hota na bayaan
Meri yeh aankhon mein, aankhon mein toh dekho
Kaisa naseeb hai mera? Milke bhi na mujhe mila
Meri yeh aankhon mein, aankhon mein toh dekho
Teri adhoori si wafa maangoon, main maangoon aur na
Meri yeh aankhon mein, aankhon mein toh dekho
Dekho-dekho, kaisi kheencheen lakeerein
Chaahe bhi dil toh bhi na jeete
Main is daud mein nahin
Dekho-dekho, kaisi baatein yahaan ki
Baatein yahin dekhoon jahaan bhi
Main is daur se nahin
