Music Video
Tu Hai Kahan by AUR | تو ہے کہاں feat. ZAYN (Official Music Video)
Credits
PERFORMING ARTISTS
Ahad Khan
Vocals
Usama Ali
Vocals
COMPOSITION & LYRICS
Usama Ali
Songwriter
Ahad Khan
Songwriter
Raffey Anwar
Composer
PRODUCTION & ENGINEERING
Raffey Anwar
Producer
Lyrics
[Verse 1]
Ki jab main hadd se aage badh gaya tha aashiqui mein
Yaani zindagi ko le raha mazak hi mein
Fir mazak hi mein mil gaya sab khaak hi mein
Chhu kar aaya manziley to tanha tha main vapasi mein
Jaise phool todey hongey tumne jholi bharkay
Main wo phool jo ki reh gaya tha shaakh hi mein
Jaise khwaab hi mein khwaab gaahein aankh hi mein
Pal se pal mein kya hua tum reh gaye bas yaad hi mein
[Verse 2]
Ek sawaal machalta hai mere dil mein kabhi
Tujhe main bhul jaau yaa tujhe main yaad karu
Tujhi ko soch ke likhta hu jo bhi likhta hu
Ab likh raha hu to fir kyu na ek sawal karu
Main is sawal se gham to badal du khusiyon mein
Par inn bejaan si khushiyon se kya kamaal karu
Par ab sawal bhi kamal, tu sambhaal le filhaal
Ye zawaal bichaa jaal kya main chaal chalu
[Verse 3]
Chaal chal tu apni main tujhe pehchaan lunga
Main apni mehfilon mein sirf tera hi naam lunga
Tujhe pasand hai dheema lehja or bas khamoshiyaan
Main tere khaatir apni khud ki saanse thaam lunga
[Verse 4]
Kya tere saare aansu mere ho sakte hain
Aisa hai to tere khaatir hum bhi ro sakte hain
Mere khaatir mere rone par ab tum bas hass dena
Ek baar teri muskurahat ke piche hum sab kuch kho sakte hain
[Verse 5]
Kya meri mohbbaton ka koi hisaab nahi hai
Kya teri aankhon mein mere liye koi khwaab nahi hai
Tujhe kya hi karu ghamzada ab jaane de
Ki tere paas mere pyaar ka jawaab nai hai
[Verse 6]
Kitni muddate hui hai, tumne khat kyu nahi bheja
Gaa leta hu tere liye, mausiqi nahi hai pesha
Aane ki khabar hi nahi tere ab
Ab kya masuamo se puchu tere aane ka andesha
[PreChorus]
Ankhon mein aansoon nahi hain
Kahan hai tu kahan tu nahi hai
Dil ko ye ab jaan'na hi nahi, bas tum chale aao
[Chorus]
Tu hai kahan
Khwabo ke iss sheher mein mera dil tujhe dhundtaa
Dhundtaa
Arsaa hua
Tujhko dekha nahi tu na jaane kahan chhup gaya
Chhup gaya
[Verse 7]
Aao firse hum chale
Thaam lo ye haath, kardo kam yeh faasle
Na pata ho manzilon ka, na ho raste
Tu ho, main hu, bethe dono firr hum taaron ke taley
Naa subah ho fir, naa hi din dhale
Kuch na keh sake, kuch na sun sake
Batein sari wo, dil mein hi rahein
Tumko kya pata hai kya ho tum mere liye
[Verse 8]
Kehkasha ho tum
Kahaniyon ki pariyon ki tarah ho tum
Mujhme aa sake naa koi iss tarah ho tum
Ho yaaqeen tum mera, ya fir gumaan ho tum
Ashiyaan ho tum
Main bhatka sa musafir aur makaan ho tum
Meri manzilon ka ek hi rasta ho tum
Dhundta hai dil tujhe bata kahan ho tum
[Verse 9]
Ho jahan kahin bhi
Aao paas taake aansu mere tham sake
Yaad aa rahe ho tum mujhe ab har lamhe
Aisi zindagi ka kya jo tum zindagi mein hoke
Meri zindagi na ban sake
Sochta rahu ya bhul jau ab tumhe
Tum mil hi na sakoge, to fir kaise chahun ab tumhe
Tere saare khwaab pal mein jod denge
Jisme tu hi na basega, fir wo dil hi tod denge
[Verse 10]
Chhod denge wo sheher
Ke jisme tum na hoge
Tut jaaenge makaan
Wo saare hasrato ke
Guzre pal jo saath tere
Wo pal hai bas sukoon ke
Mil lo ab tum iss tarah se
Ke fir nahi miloge
[PreChorus]
Tu hi tha saath mein mere
Kaise main jiunga akele
Taare gin gin ke ho gayi hai subah
[Chorus]
Tu hai kahan
Khwabo ke iss sheher mein mera dil tujhe dhundtaa
Dhundtaa
Arsaa hua
Tujhko dekha nahi tu na jaane kahan chhup gaya
Chhup gaya
Written by: Ahad Khan, Raffey Anwar, Usama Ali
