Credits
PERFORMING ARTISTS
文觉非
Performer
麦维佳
Performer
孔宪珠
Performer
COMPOSITION & LYRICS
黄壮谋
Composer
陈晃官
Songwriter
Lyrics
哎吔
乜四更架嗱
鼓打四更天
更添人意乱
我係一个堂堂知县都枉有无上威权
深夜改扮民装替女儿拉郎成婚誉
派出衙差李六至今未见回旋
难道走遍钱塘总无一个男人遇见
桌上大人老爷
拉到一个啦
咁我睇下佢先
咦噫
喂
乜呢个嘢上佐年纪嘅咯噃
老爷呀
我间过佢
佢话廿
廿几岁架咋
吓
乜廿几岁架咋
生得老积啲嗜
唔
乜佢身势着得咁差嘅
呢种人至老实吖吗
几老实嘅
老实
好喇
姑且算数
等我问吓佢先喇
喂
你老爷乜嘢喇吓
你等阵先吓
哎吔
我若果问便有无妻室
佢一定不肯明言
好
等我抹角转弯先行试佢一两遍：喂
你三更半夜一支公想踱去边
问我去边度
係咯
你去边度呀
佢梗係慌我重有下台
唔得闲做佢呢一便
须又剃左我嘅咯
人又拉左我返嚟嘞
我梗赚埋你个封利是钱
老爷
我现在得闲无事归家转
哦
你返屋企
咁你屋企重有冇第二个人添
佢梗係想揾多一个人
然之后至够体面定嘞
黑麻麻
去边度揾吖
老爷
我从来都係单身一个混左廿多年
乜话
你係单身汉嚟嘅
嘻
所以呢
一试就试出佢有冇老婆咯
你家中父母是否双全嘞
嗱
将来至禀命高堂首先我地商谈妥善
问我有冇父母呀
係咯
乜佢越讲越远讲左去个一边
请我噃嚟吹啲打啫
点解会查家宅呢
哦
原来佢又係拉郎
我以为佢拉啲咑佬就算
正话我听闻叫声大人
呢个梗係官嚟嘅嘞
持官仗势
乱拉一通
好
撚化你至得
我父母死哂拉老爷
车
乜老爷呀
我父母呀
哦
你父母死晒架嘞
咁你父母有冇同你定下婚配呢
我父母早死咯
点会同我成亲得架
咁就冇嘢咁欢喜得过嘞
老爷呀
你听到我双亲早死
你就欢天喜地
睇你都几黑心个噃
唔係
我把情由讲白
你比我更欢喜无边
嗱
我先来问你一声
诗赋文章你懂得深定浅
诗赋文章
係咯
哎吔
咪玩嘞
大人
我係董
得嘞得嘞
你既然係董
就同出孔孟之门
待我即出对联
你要立即交卷
叫我对对呀
对对呀
试吓喇
好
听住噃
千里缘
万里缘
翁今有婿
呢个係对头
你谂下啦
要我对对尾呀老爷
听住啦老爷
五尺合
六尺合
士不离工
好嘢喔
五尺合
六尺合
佢就对千里缘
万里缘
数目字就对番数目字
工整吖
士不离工
佢就对翁今有婿
士就系读书佬
工就系打工仔吖吗
人物就对番人物
妙极
哎吔
睇嚟呢一个系才子嚟嘅噃
难得你才学广
出口便成文
过奖过奖
你一定读尽万卷书嘞
所以就唔使谂
我读过两个月
识得八个音
咁就绝顶聪明咯
我重想领教吓你嘅诗才
请你即景吟哦
赋一首五言八韵
叫我赋五言八韵
你问我五言六律好过喇
我想欣赏吓你嘅诗呀
咁你总唔想听吓我支笛呢
诗以言志
我笛可谋生吖吗
咁你梗系好喜欢音乐顶嘞
当然喇
我靠佢揾食嘅嘞
乜话
乜你靠佢揾食架
咁你做乜嘢架
我做啲咑佬个咯
吓
乜你做啲咑佬架
唉
呢趟死人都得咯
死人揾我都啱架老爷
大吉利市
成晚同你谈论词文
点知道你系做八音
心火滚
你个正衰神
点解你唔讲明
你自己系乜嘢身份
你几时问过我
以乜嘢为生
我问你读过有几年书吖吗
我唔系话识得八个音咯
咁你又话乜都懂
我姓董梗系要同你讲真架吗
岂有此理
分明有意戏弄本官
人来
与我打
喂喂
大老爷
我并无胡言一片
都系你自己听唔真
你问我
是否懂诗书
我话董代不是笨人
讲得个董字你就不容我再禀
你回头又叫我
比对对联过我对
搞到我心乱纷纷
无可奈何
只有乱咁谂
吓
因何你又会识对对呢
个啲系我吹惯嘅曲文
乜话
个啲系曲文嚟
五尺合
六尺合
即系
五尺合
六尺合吖吗
你死吖你
俾你当堂气到眼瞪瞪
我怒冲冲
弊勒天光将近
俾佢激到我跳
宜得打佢一身
但系天色都快亮咯
又未拉到第二个人
佢虽则下贱之人系低几等
好过女儿被选送去伴人君
好嘞移磡就船算你有福分
喂同你做埋亲戚等你平步青云
好
等你跳吓添
但得老爷带歇
其系万代占恩
咁就妥晒咯
你快滴拜倒跟前正名定份
遵命
拜见舅父
乜舅父呀
你话同我做亲戚吖吗
我招你做女婿噃
吓
招我做女婿呀
你揾人做都得嘞你
点解呀
皆因我已结婚姻
夫妻俩义厚倩深
穷也开心度日辰
我唔会贪心再娶有钱人
混帐
分明有心瞒骗阻我时辰
人来打佢一身
以泄我心头之恨
老爷
我唔肯做你女婿你做乜要打我呀
你点解要瞒骗我
我冇瞒骗过你呀
重话冇
我问你有冇父母吖吗
我咪话比你听我父母早死咯咩
我问你父母有冇同你定下婚配
你又话冇
我父母早死
点会同我成亲得架
我呢个老婆系我自己亲手娶架吗
衰人
实行要打以正风化人心
警戒愚顽
睇佢下次重敢唔敢
下次重拉我嚟呀
鬼拉你呀
打
弊咯
钦差大人发现只官船添
不知钦差大人驾到
有失远迎
望祈恕罪
县大人
选美限期已到
为何不在县衙征集美女
乘坐官船
到此何事
大人你唔明白
刁民非常狡猾
有女到处躲藏
卑职都亲来搜索
昨晚搜到天光
依然两手拍拍
老爷咁样拉法
一世唔慌发达
选美变左拉郎
连我胡须都刮
咁系乜呀一回事呀
大人听我讲白
朝中消息到呢处嘅地方
宣布遇美又贴左张榜
吓得满城有女嘅听见就三魂丧
个个想嫁女
唔愿做皇娘
大老爷未有女婿
佢临时就去拉郎
啱啱我正想回家堂
官差撞见就不愿放
截住我要来做女婿
拉拉扯扯
扯扯拉拉
拉我返家内
一支啲咑
即刻迫我去拜堂
我唔肯制
佢唔肯放
讲到舌燥口焦干
佢还未肯退让
我把情况都禀上
狗官你好胆
知法犯法罪难当
敢将选美皇命抗
有女不报去拉郎
限令今早如数选齐
把你女儿一同送上
唉吔吔
枉费心机都捱眼训
结果女儿难免进宫墙
哈哈
哈哈
大人妙计安天下
赔了女儿又折兵咯
哈哈哈
Written by: 陈晃官, 黄壮谋
