Music Video
选女婿
Credits
PERFORMING ARTISTS
文觉非
Performer
张玉珍
Performer
梁健冬
Performer
管洁红
Performer
陈晓明
Performer
黄超全
Performer
李明铿
Performer
COMPOSITION & LYRICS
王炳尧
Composer
陈卓莹
Songwriter
陈晃官
Songwriter
Lyrics
早去早回呀
太太
老爷
我而家去进香啦
你唔使挂住我架
好声行呀
太太
得咯
老爷你唔好送啦
要啊
太太
太太你去进香
下官循例要坐公堂
难与你一同前往
我求太太你虔心祷告
多请菩萨佢帮忙
望佢发慈悲
庇佑下官
一路无风又无浪
还庇佑
生翻一男半女
免我晚景孤寒
我去进香
留你独坐公堂
我难将心放
你点解唔放心呢
怕者是
你怕乜嘢啊
你见财化水
不会“代代”平安
怕者是重大案情
你胡乱发放
我不在屏风之后
你便没了主张
笑乜嘢呀
乜嘢咁好笑呀行埋一边
太太你暗中帮我忙
你咪喺人前大声讲得架
一旦传出外
我面目就无光
何况个的案情
百姓佢突然告到堂上
太太你不在屏风后
我依然做出官样文章
我做官早几年
都捱得几下风浪架喇嘛
哦
而家你架势起来啦你
你会做官
又会判案
不如打发我还乡
呀太太点得架太太
太太若然还乡往
太爷唔敢做县正堂
太太你有命我不敢不从
等你归来我至升堂问案系呢
係囖
咁我就放心啦
放心啦
太太哈
等一阵我係后门返来
如果你遇到重大嘅案情
你搞唔掂嘅时候
我就係屏风后面拍掌三声
嗱
咁你就马上退堂啦
我记得啦太太
记住啦
好声行啊太太
早去早回呀太太
老爷啊
你最紧要记住呀
我记得啦太太
你又至紧要记得
好声行啊太太
太爷
来
太爷今日精神不畅
将衙前放告牌收起
不论案情大小
是非曲直
咪惊动本县
叫佢下期再来
记得
记得
呢次我地可以枕头拍扁
大扯鼻鼾
叫你地收起放告牌
都话太爷不理案
你为何击堂鼓
站班列两旁
刚想收起放告牌
就闻堂鼓响
事出突然难阻止
定是鸣冤到衙堂
吓
一句鸣冤
吓得我魂飞魄荡
你明知太爷头痛
为何你唔为我及早关防
太爷
防唔到架
三六九期放告
係有规矩架嘛
有规矩嘅咩
有规矩嘅
有规矩个何
例牌架啦
太爷
好啦
我唯有硬着头皮
升堂问案保呢
升堂
告状人等
带到公堂
知道
带
告状人进堂
地主绅襟
入衙门有些面子
殷商巨贾
打官司总占便宜
拜见太爷
把姓名报上
小民王田
吴三丁
大胆两人
乱击堂鼓
惊动本县
应该有罪
太爷爱民如子上天有好生之德
姑且将罪名按下
你地所告何事从实讲来
小民满腹冤情呀
吓
婚姻不遂呀
太爷
原来系婚姻事件
快讲上来
喂
你地冇搞出人命呀嘛
婚姻不遂
尤甚于杀死人命呀
太爷
婚姻小事
快讲上来
咪嘈
一个讲完到一个
你讲先
太爷
小民要告张天顺赖婚
张天顺他将女儿
许配我婚姻又不认帐
哎呀呀
闹句呢个张天顺真混帐
也秃
大胆你个张天顺
将女儿许配与人
中途反悔
其罪非轻
人来
将张天顺重打四十
四十打完
退堂
我唔系张天顺呀
吓
你唔係张天顺咩
我唔係张天顺
车
咁你又告佢
我唔係告佢呀
吓
乜你唔係告佢嘅咩
我唔係告佢
咁我彷徨
就确係好彷徨
我打错左人你话点了案
太太佢又不在
唔知点样好退堂打佢四十係小事干
小事干
唔通要太爷赔罪
算佢意外遭殃
整定你囖
你叫做乜嘢名
我叫吴三丁
来做乜嘢
我系来告状架
哦
咁你是原告
係呀太爷
我都係原告呀
哦
你係原告
你又係原告
边个係被告呀唔通县太爷是被告呀
岂有此理
有原告冇被告
点能成案啊分明到来倒乱公堂
来
将佢地各打四十
太爷
我啱啱至打完咋
吴三丁打咗啦
王田未打
呢的叫做各打四十
公道之至
人来
退堂
且慢
太爷
我当然有被告喇
被告人张天顺
现在家中
求太爷你传他到来
秉公判断
太爷
小民亦有被告
被告张贺氏
佢赖婚在家
请太爷传佢到来
判明此案啊
你两个真该打
点解唔早的讲呀
话都未讲完啫
你就先打四十啦
咁你地来告状
有乜嘢凭据
有年庚八字
定婚红帖为据呀
太爷
呈上一看
知道
你两人嚟告状有凭有据
太爷自然为你地办理此案
起身啦
谢太爷
人来
将张天顺、张贺氏两人传到
知道
生怕到衙堂
死怕见阎王
只怪你贪权势
怪你发钱寒
一日都係你
怪你
嘈乜嘢
嘈生晒
跟住嚟啦
行
张天顺、拜见太爷
两人把名字报上
小民张天顺
民妇张贺氏
哎呀
我怕你两个蠢才呀
蠢才
你地有女唔嫁留在家中养
犹如捉只老鼠落米缸
人而无信经已唔妥当
你赖婚悔约更属荒唐
问句张天顺你有何话讲
回禀太爷
小民愿将女儿许配王田
并无赖婚之事架
哦
你并无赖婚之事哈
王田你因何乱说谎
太爷
不准你多言来乱讲
太爷我判案自会参详
不准你多言
太爷自然判得妥妥当当
回头我问句张贺氏
你把婚姻逃赖太不当
现有吴三丁来告你噃
启禀太爷
我系心甘情愿将女许配与吴三丁架
啊
你係心甘情愿吴三丁
你因何诬告岳母娘
你共王田一样混账
好在太爷判案有主张
你地快抬花轿迎亲往啊
喂
你两个翻去抬花轿迎亲
你夫妇准备送女过门
你地不得胡闹
立即退出公堂
太爷
小民实在只生一女呀咋
係呀
太爷
我得一个女架咋
咁乜啱囉
你係一个女呀嘛
你又係生一个女呀嘛
你地一人一个女儿
即係两个大姑娘嘅喇
我与她原是夫妇啊
一女又焉能配二郎
系噃
你地两夫妇嚟嘅
咁你得一个女
食两家茶礼咁点啊
唔关我事架
一日都係个个老虔婆
哦
原来作怪嘅就系老虔婆
来
捉拿老虔婆
捉拿老虔婆
老虔婆就係佢呀
哦
乜就系你啊
乜你又改咗名呀
太爷
佢闹我架咋
哦
闹你嘅啫
喂
咁你一个女许配两家
呢件事几难搞个喎
太爷做主呀
做主做主
你要我做得来至得架嘛
太爷做主呀
咪嘈
好办法
呢件係小事干
呢件係小事干
你地何需係处多吵嚷
你两个返去准备做新郎
你夫妇送女过门不得多推搪
张天顺、究竟送去哪一家呀太爷
梗係唔係姓吴就係姓王
边家好就係嫁边家喇
容你地夫妇商量
然后至报官备案喺呢
我讲呢就王家好
我话吴家好
王家好
吴家好
我做主
我做主
混账
几时轮到你做主呀你老婆作主
县太爷一向都係由我太太作主张
一于你做主吓
谢太爷
太爷
我都係唔做得主架
车
你真该死
太过无胆量
太爷俾权你
为何唔敢作主张呢
哦
皆因佢女儿
性情好倔强
自己嚟选夫婿
都不顺从爹娘
吓
闺女自己去选情郎
此风不可长
来
带佢黎打四十
警戒佢嚣张
太爷
只怪李俊生
与我女儿常来往
丽英本无罪
请判与王田、三丁作妻房
只怪李俊生
与他女儿常来往
丽英本无罪
请判与王田、三丁作妻房
乜又多个李俊生呀
越搞越多花样噃
喂
佢如今在何处
候审到衙堂
好嘞
立即传佢来
带到公堂上
知道
李俊生、张丽英进堂
虎穴龙潭我不怕
理直气壮进官衙
参见太爷
太爷
成个係度
成个係度
嘈乜嘢
两人把姓名报上
小民李俊生
民女张丽英
也秃
大胆两人
不听父母之命
不经媒妁之言
私订婚姻
何知有罪
太爷
我与张丽英情投意合
有天地为媒
三光为证
并非无媒苟合
请大人依公判处
使有情人终成眷属
万代沾恩呀
讲得好
抬头一看
谢太爷
你係叫做李俊生
你係张丽英
你地两人嘅眼力的确唔差
相貌年龄不相上下
咁好嘅姑娘
唔娶势係假咯
俊生你嘅才貌确係胜过其他嘞
睇佢地两个
县太爷又谂起我同太太咯
讲俾你大家听吓
唔係话太爷讲声价噃
我地夫妻登对早已成佳话
太太佢当年将我下嫁
都係我太爷嘅才貌顶呱呱
咁你真係要嫁佢嘞
太爷呀
我爱他
人潇洒
温文尔雅
满腹才华
玉佩表真情
姻缘终订下
大老爷呀
我一定要嫁佢
你一定要嫁佢
咁你就一定要娶佢啦
太爷呀
我爱她
情非假
爱她工针黹
貌如花
诗咏关睢
留传佳话
望大老爷呀
我一定要娶她
望太爷做主
望太爷做主
望太爷做主呀
太爷
我讲晒啦
哦
咁我都听晒啦
好啦
咁我将你两个玉成
等你地一乐也喇
退堂销案
即出公衙
谢太爷
太爷
婚姻就应从父母命噃
太爷判得有点差
係噃
婚姻应由父母命
周公嘅礼教确无差
官府我代天私教化
你就嫁
嫁俾我
是旦啦
将他嫁我
我带佢出公衙
咪住
你想抢我嘅老婆我要将你打
公堂之上
岂容你舞爪张牙
哎呀
我就打你
哎哟
呢单官司怎得佢散
我呢只脚趾惨遭劫难
女係张家女
与我就何相关
逼到我汗流流
追到我眼坦坦
动手又动脚
分明係与我为难
你地通通滚旦
滚旦
咪嘈
有办法
我正在好为难
听闻三击掌
一定係我太太
吩咐我退堂
立即叫公差
一堂难了案
将一干人等
撘晒入监房
知道
走
我係原告嚟架
咪嘈
我管你谁是原告
谁是被告
边个叫你地自寻烦恼
太爷不能有冤无路诉
一于收监退堂
不理边个係原告抑或被告
只恨爹妈贪财势
才有令女儿受苦困监牢
我地相爱真诚
决不怕那糊涂官府
撘晒佢入去
哎呀
老爷
我晕了
太太
老爷
呢一堂官司
真係难为咗你咯
好辛苦呀
太太
睇吓你呀
有钱都不会要
辛苦就快的返入去休息啦
以后太太不在
下官都唔敢坐公堂
Written by: 王炳尧, 陈卓莹, 陈晃官
