Mini Schwiiz, mini Heimat

Wie gmalt isch dis Chleid, du bisch uralt und schön

Vo Genève bis is Engadin

Vom Bächli in See, vo de Berge is Tal

Vo Rhyfelde bis is schöne Tessin

Du bisch mis Land, wecksch mis Heiweh

So starch wi de Gotthard im Schnee

Ich säg dir hüt Merci vilmol

Und mis Lied isch für di

Mini Schwiiz, mini Heimat

Immer herzlich und guet

Bisch so chli und doch so gross

Du lohsch mich nie meh los

Mini Schwiiz, mini Heimat

So vertraut isch das Gfühl

Bi dir ufghobe z'si

Weiss, es goht nie meh verbi

Dini Städt sind so hip, ufem Land isch es ruhig

I de Chuchi bisch so raffiniert

Im Summer i de Badi, uf de Piste, wenns schneit

I de Alpe, wo mer 's Herzli verliert

Mit de SBB quer dur Europa

Mit de Swiss bin i gfloge um d'Wält

Doch wenn ich bi dir bin

Dänn bisch es nur du, wo no zählt

Mini Schwiiz, mini Heimat

Immer herzlich und guet

Bisch so chli und doch so gross

Du lohsch mich nie meh los

Mini Schwiiz, mini Heimat

So vertraut isch das Gfühl

Bi dir ufghobe z'si

Weiss, es goht nie meh verbi

Isch es mängisch au schwer

Dänn weiss ich

Du bisch do, denn du bisch für mich

Für mich

Mini Schwiiz, mini Heimat

Immer herzlich und guet

Bisch so chli und doch so gross

Du lohsch mich nie meh los

Mini Schwiiz, mini Heimat

So vertraut isch das Gfühl

Bi dir ufghobe z'si

Weiss, es goht nie meh verbi