Purgatoryo

Usap.

Naririnig mo ba ang himig ng nagrereklamong kalikasan?

Mga daing ay 'wag mo s'yang saktan.

Saka't pagmamasdan ng 'di maliwanagang puso't at isipan,

'Pag nasapul ka sa tagiliran.

Langit ay umiiyak,

Lupa'y nagbibiyak,

Hangi'y nananapak,

At dagat ay naglalatak.

'Di parin tayo sindak

Sa dami ng dumanak.

Nag-anyong mata ang araw at buwan,

mga tagapagtala ng kapalaran

Upang malinaw na mailarawan

Ang mukha mong kanilang kalaban

'Di parin tayo sindak

Sa dami ng dumanak

Na dugo't pumapatak

Sa makasarili mong balak

Langit ay umiiyak,

Lupa'y nagbibiyak,

Hangi'y nananapak,

At dagat ay naglalatak.

Masusunog ang dahon

Sa pagkulo ng balon.

Purgatoryo maghapon.

Nag-anyong mata ang araw at buwan,

Mga tagapagtala ng kapalaran

Upang malinaw na mailarawan

Ang mukha mong kanilang mortal na kalaban

Nang ang kinatatapaka'y umalon

Saka lang nakilala itong hamon.

Hiling ay ibalik ka sa kahapong

Walang nagbabadyang huni ang ibon

Sa pag gunaw ng libo-libong nayon.

Masusunog ang dahon

Sa pagkulo ng balon.

Purgatoryo maghapon.

Usap.

'Di parin tayo sindak

Sa dami ng dumanak

na dugo't pumapatak

sa makasarili mong balak

Langit ay umiiyak,

Lupa'y nagbibiyak,

Hangi'y nananapak,

At dagat ay naglalatak.

Naririnig mo ba?