Lyrics
أمل حياتي
سيبني أحلم سيبني
وسيبني أحلم سيبني
ياريت زماني ما يصحينيش
بذرة الأمل، تطرح لما بنرويها بعمل
نحصد نجاح، لو سقيناها كسل نحصد فشل
وده بعينه كان الفرق بين إتنين إخوات
أخ فـ حياته نجح أما الأخ التاني كان
عجوز بيحلم، ويقول أهي بكرة تحلى
لكن الحقيقة كانت هروبه بالأحلام مـ المحنة
فجأة القطرات فاتته، فضيت عليه محطته
خمسين سنة الغطاس غرقان فـ مياة كدبته
ﻻ زوجة وﻻ عيل واللوحة بتغيم
أخوه الكبير من فين لفين يميل عليه بمبلغ كويس
ويبعت بناته يملوا عـ الوحيد حياته
يوم واحد في الأسبوع، باقي الأسبوع عايش لحاله
فا تسأل ليه، الفشل كان نهاية الخيط
عشان شابك فـ كسله من بداية خط السير
فا بدل الواقع بحلم فـ نومه منها مفاقش
جات أول وقعة قطمت ضهره فوق صخور اليأس
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
وسيبني أحلم سيبني
وسيبني أحلم سيبني
ياريت زماني ما يصحينيش
كل أما الشمس تغيب ترجع تشرق من جديد
فا لما الدنيا تضيق بيكون الفرج قريب
لكل فارس كبوة لكن أكيد منها إستفاد
ولوﻻ الفشل مر مش هندوق طعم النجاح
هتسعى هتلحق تمسك فـ ضل حلمك
هتيأس هتلقى الحلم نفسه ضدك
الدنيا مبتقفش عـ الظروف عندي الدليل
من نفس البيت خرج للأخ أخ عـ النقيض
حطم درع الظروف بحد سيف العمل
هزم جيوش اليأس عدى حصون مدينة الأمل
و لون رسمته، شكل ظروفه على رغبته
كان حلمه زي خريطة لمرمى نجاحه وصلته
حلم بالشط آه، لكن نط فـ بحر الحياة
مستناهوش يسحبه خبط فـ الموج وعافر معاه
مغذى الكلام ده ليك يا تاخد بيه يا تموت أحلامك
مفيش بين البينين يا فوق يا تحت إختار مكانك
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
وسيبني أحلم سيبني
وسيبني أحلم سيبني
ياريت زماني ما يصحينيش
على فكرة قصة الأخين تأليفي مش حقيقة
الدنيا صعبة فإسعى، ده اللي قصدت أوصله بيها
بواجهك بالحقيقة، بعلمك وأسيبك
تفهم مين اللي بيبني فيك ومين كسر مقاديفك
باعولك فكرة إفرح، سبت الكفاح ورا ضهرك
قالولك بكرة تصبح، وبكرة ليه؟ ما يلا
زرعولك فكرة غلط وإستعميت حبيت تقلد
مادام العقل زينة إديني سبب عشان تتجنن
حياتنا حلوة ومرة، العقبة فـ ضل فرصة
فا لو متعبتش فيها مش هتدوق نجاح طول عمرك
لكن ثق إن الدنيا مبتظلمش
على قد ما تتعب تسعى تلقى نجاحك ليك بقى ضل
إبدأ دلوقتي، متقولش القطر فاتني
كتر التفكير فـ إمبارح مش هيغير شيء صدقني
ده شيء وحيد من الماضي منه بنستفيد
هو مراجعة غلطنا عشان منقعش تاني فيه
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
(وسيبني أحلم سيبني)
(وسيبني أحلم سيبني)
(ياريت زماني ما يصحينيش)
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
تحلم لبكرة ليه، لما النهاردة لسا طويل
إبدأ بأول خطوة فوق طريق قادر تمشيه
كمل فـ مسارك حتى لو كان عكس ناس تانيين
إختار مكان حلمت بيه وحط نفسك فيه
