Lyrics
سفينتي متبنيتش عشان جماهير عريضة
لو شيء بغنوة إتهد يتبني بقصيدة
لا اختارت جاري ولا قُطر فتحة غاري
مصمم عالّي اخترته ومش حزين مع اختياري
لا شىء لا يمكن استبداله عالج التعلق
ناس كتير عالقمة لا تفقه التسلق
أغلى من حاجات وكافرة بالتدرج
تيجان ملوك دابت نتيجة التملق
غير العامة بنطارد الفراشات بشغف
عالمشانق أطفال إذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم
أرواح فرادى اتطفت لما قلدت الإجواز
بوظت اللوحة لما حاوطتها ببرواز
تجار إصلاح لكن من يوم ما فهموا الناس
تاجروا في الغضب والطوب وسط بيوت إزاز
عمري ما اسأل الّي سابني ليه سيبتني
حاسس الّي كتبته ومش مهم إنت تحسني
الحاجة الّي تهمني إن مفيش حاجة تهمني
علّي إتهد مش حزين، ومش سعيد بلِّي بيتبني
عمري ما اسأل الّي سابني ليه سيبتني
حاسس الّي كتبته ومش مهم إنت تحسني
الحاجة الّي تهمني إن مفيش حاجة تهمني
علّي إتهد مش حزين، ومش سعيد بلِّي بيتبني
فينا حتة أغمق من أغمق مكان في الكون
أقدم حتة غسيل لسه بتطفح لون
في ناس مكان ما تشوط ينصبولها جون
احنا الّي حاربنا ده في عز ما كننا دول
بغير الأسامي وأحكي نفس القصة
كل شىء بيغلى، وإنتِ رخيصة لسه
بأغطس في الوجع بدون أنفاس حابسها
ريحتك في كل حاجه كنت بتنفسها
تعالي قبل النوم وأنا أحكيلك حكاية
عالم سلبي طول ما الأكسجين محايد
في فرق بين كويسين وبين بطلنا
الناس ما بيبانوش بجد غير في الظلمة
كان بينَّا خيوط لكن مش باقي غير أرفعهم
بينطوا من عماير والهوا بيرفعهم
قالتلي مبتعرفش تحب ليه ترتبط؟
أنا بحب أنا حتى لو اتشقلبت
عمري ما اسأل الّي سابني ليه سيبتني
حاسس الّي كتبته ، ومش مهم إنت تحسني
الحاجة الّي تهمني إن مفيش حاجة تهمني
علّي إتهد مش حزين ومش سعيد بلّي بيتبني
عمري ما اسأل الّي سابني ليه سيبتني
حاسس الّي كتبته ، ومش مهم إنت تحسني
الحاجة الّي تهمني إن مفيش حاجة تهمني
علّي إتهد مش حزين ومش سعيد بلّي بيتبني
مش عارف، أنا الحقيقي ولا غش
بقطع وجه ألاقي تحته وجه
أشك في الّي بنى، وأشك في الّي اتبنى
أصعب اكتشاف في العالم اكتشاف الـ أنا
عصا تبلع عصيانهم؛ فبيصبح مكروه
يقولوا عليه من ضهره، ويخافوا يناظروه
لا دينه دينهم ، ولا عايز رضا التمثال
يبص على معبدهم يضحك من عدد الإقفال
ده بسبب كشافات الليل بقى النهار مليل
مادام بياخدوا اكتر منك الكتير قليل
في ركن في الفضاء، وجنبك أوكسجين متسيل
لا حمل إنك تشيل، ولا إنك تشيل
إسأل فحم المكن عن معنى رأسمالي
بفضل أخواتنا في فلسطين بقى للطوب معاني
لو مش عارف ابن آدم كنت لومتك
جرب تكونّي ساعة. تنفجر جمجمتك
غبي لدرجة ان الرد الّي إنت قُلتَه
بكتب قصايد، وده شرف عمرك ما نُلته
الجامد الروش ده أعلى لقب طولته
فيلمكوا رخيص، وأنا انسحبت من بطولته
عمري ما اسأل الّي سابني ليه سيبتني
حاسس الّي كتبته، ومش مهم إنت تحسني
الحاجة الّي تهمني إن مفيش حاجة تهمني
علّي إتهد مش حزين، ومش سعيد بلّي بيتبني
عمري ما اسأل الّي سابني ليه سيبتني
حاسس الّي كتبته، ومش مهم إنت تحسني
الحاجة الّي تهمني إن مفيش حاجة تهمني
علّي إتهد مش حزين، ومش سعيد بلّي بيتبني
Written by: A
