Spreek Heer

Heer, ontferm U oor ons, waarom het U, ons verlaat

Waarom voel U, dan so ver, Heer, ons roep U aan

Elke dag en elke nag, soek ons rus as ons U roep

U, die Heilige, wat woon, waar ons U prys

Nes ons ouers, bly vertrou ons, dat U red

Here, bly tog naby ons, U ons sterkte en ons hulp

Heer, beskerm ons en red ons lewe van die swaard

U sal ons gebed verhoor, Heer, ons maak U Naam bekend

U, die Heilige, wat woon, waar ons U prys

Kom en prys die Here, almal, wat Hom dien

Kom spreek, Heer, tot storms en tot wolke

Kom vul die hemel met ontsag

Vir U Naam, bo alle Name

Kom hoor ons, U volke en U nasies

Ons glo, met alles, in die krag

Van U Naam, bo alle Name

Here, red ons! Here, help ons

Soos 'n dier, te swak om by die lek te kom

So verswak, my gees

Voed my, Heer,met waarheid, lewend, in U woord

Wees U my, Goeie Herder, Heer