Lyrics
شر نفسى عليا بان، لما إتقفلت البيبان
وعرفت أن طوق النجاه يكونلى حوافر مع نيبان
بقى الجو هو الملك، الناس حواليه بزمبلك
قمه السعاده وسط العبيد أنت بس تمتلك
بينى وبينك ياحمد جدار، أنا عليك سيد قرار
قول إنتحار، أو قتل مع سبق الإصرار
ليه ياجو فرحان بشرك، والشيطان فطريقو جرك
ناسى ربك دينك أهلك والخضوع لأمرك غرك
أصحى فوق شوفلك دوا، ده وجود الجوكر فيك عيا
ياريت تصحى أحمد خلاص كفايه دفنتو بالحيا
وأنت ياحمد كنت فين، لما قسمتنا الدنيا اتنين
نص فـ كفه الناس داسوها ونص داس عـ الكفتين
نص عاش ملك فغابة، ونص إتدارى من الديابة
ياحمد فكين المفرمة، فزمانا مسكن الغلابة
عايزنى أحييك؟ وأرجع عروسة فبترينة البوتيك؟
إنسى ياحمد، رجوعك وهم ساكن بس فيك
واحد حى التانى مات، واحد عبد التانى ساد
واحد كان لازملو فرصة يبيع فيها التانى فـ مزاد
غايب حاضر بالهمسات، حلمو يحيى فيه اللى مات
ده يشد وده يشد اتحول لإنفصام حاد
واحد حى التانى مات، واحد عبد التانى ساد
واحد كان لازملو فرصة يبيع فيها التانى فـ مزاد
غايب حاضر بالهمسات، حلمو يحيى فيه اللى مات
ده يشد وده يشد اتحول لإنفصام حاد
فلاش باك، على يوم مـ الحظ لعب معاك
حب الناس لشرك قتل حبك لأحمد من جواك
بعد مـ عمو الجو نجح، عملت من ماضيك شبح
مهزتكش مرة كسرة صوتى اللى اتنبح
الجوكر فوق عشان الناب سبق كلامو
وأنت مت، لما قبلت الدنيا تذل فيك قدامو
لا الجوكر وهم نفسو لما فسر طيبتى ذل
أمَال ايه معنى دمعك لما قطع فيك الكل؟
المعنى، أن ربك فوق كل اللى باعنا
طب مـ ربك اللى فصلنا وفـ جسد واحد جمعنا
آه جمعنا، بس الأختيار ده كان بتاعنا
ازاى وشر الناس عـ الشر فكل يوم شجعنا
وعشان الصح صعب تقوم تمشى الطريق الأسهل؟
هو أنت ياحمد ناسى لما الضرب كان فمقتل
منستش بس صعب عليا الجو سكينة تسرقو
ويروح طريق يغيب وقلب امو عليه يحرقو
واحد حى التانى مات، واحد عبد التانى ساد
واحد كان لازملو فرصة يبيع فيها التانى فـ مزاد
غايب حاضر بالهمسات، حلمو يحيى فيه اللى مات
ده يشد وده يشد اتحول لإنفصام حاد
واحد حى التانى مات، واحد عبد التانى ساد
واحد كان لازملو فرصة يبيع فيها التانى فـ مزاد
غايب حاضر بالهمسات، حلمو يحيى فيه اللى مات
ده يشد وده يشد اتحول لإنفصام حاد
الطبع يغلب التطبع وأنا يا جو الوش القديم
الشر يحكم أنى أقوى طلقتى ياحمد فـ الصميم
أنت تايه باللى فـ ايدك، وأنت عبدى كانلك سيدك
أنت اللى الشيطان عماك ووهمك أن الناس عبيدك
آه عبيدى، لا أصحى يا جو أنا لسه مادد ايدى
بعد ايه، مـ الدنيا حقنت سمها فـ وريدى
مفتش الوقت، بس أنوى من قلبك تتوب بجد
وهم ياحمد، الجوكر خلاص مش عبد حد
طب وربك؟ ربك فسما وأحنا فـ أرض
يا جو أستغفر، هستغفر ياحمد بس بشرط
شرط ايه، متظلمش يقولو قدرى
ولما آخد انسان فحضنى ميزرعليش خنجر فضهرى
أزرع خير، أحصد خير، متاكلش بناب الغير
ميبقاش فينا صياد وواحد تانى دورو الطير
بس يا جو، مالك ياحمد ساكت ليه؟
ها عرفت رجوعك فيا وهم مش هيحصل ليه؟
واحد حى التانى مات، واحد عبد التانى ساد
واحد كان لازملو فرصة يبيع فيها التانى فـ مزاد
غايب حاضر بالهمسات، حلمو يحيى فيه اللى مات
ده يشد وده يشد اتحول لإنفصام حاد
واحد حى التانى مات، واحد عبد التانى ساد
واحد كان لازملو فرصة يبيع فيها التانى فـ مزاد
غايب حاضر بالهمسات، حلموه يحيى فيه اللى مات
ده يشد وده يشد اتحول لإنفصام حاد
Written by: A
