Lyrics
اتنطق اسمك صحيت ذكرى كانت بتموت، صورة وصوت
شبح الماضي قاملي مالتابوت
سلمي متقولوش، سلمي متكملوش، لأ سكوت
متعيدوش ذكرى نسج عليها العنكبوت
معاكي كنت بعيش الهم لوحدك متشيليش
ولما احتجت سلمي جنبي، سلمي فين؟ سلمي مفيش
حمارًا يحمل الأصفار بربي حية ما بين ضلوعي
مسحت دموعك، والغريب مسح منك دموعي
وقت ضيقي فبعدك فات
وجايه تقولي ذكريات، ظلمك زاد
متسأليش على أحمد، أحمد مات
مهما تقولوا سلمى حباك ولسه عايزة تعيش معاك، حب إمتلاك
أحمد معدش يشوف سلمى ملاك
أيوه عارف، غميت عينيا عشان مكنش شايف
حب زايف، أمل هايف، كنت مالحقيقة خايف
أخاف لأخسرها، فبرضى تقابل حبي بإستهتارها
معاني فشل القصة واضحة وعيني بتصغرها
أبني تهدي، للبر أشد للغريق تشدي
شايفك زي ما شاف خيالي وعمري ماشفتك أنتي
مسكتك سيبتي، قربت قد ما أنتي بعدي
مت ألف مرة فغبتك وأنتي راحتك كانت في غبتي
أبني تهدي، للبر أشد للغريق تشدي
شايفك زي ما شاف خيالي وعمري ماشفتك أنتي
مسكتك سيبتي، قربت قد ما أنتي بعدي
مت ألف مرة فغبتك وأنتي راحتك كانت في غبتي
قدت صوابعي شمع
رضيت برضى العين والسمع
اتهديت من طول سقايا جفاكي دمع
مصلحتي الدنيا تتداس تملي راحتك عليا
عشرين سنة بتعلم بس لسة في أولى دنيا
رمتلك حبل نجاة عليا لفتيه وشنقتي
خنقتي، حرقتي كل سطر ليكي في ورقتي
سبقتي، قتلتي، غيرت وما اتعدلتي
قبلتي تستهتري بحروف رسالتي
فالعيب عليا حاولت أصلح العيب فيكى
أنا بشد العيب يشد بس العيب كان أولى بيكى
عينيكى لمعت يوم ما دارت لفت جمعت
عنيك تتحدى عيني، والودان عملت ما سمعت
عينيا دمعت لما الجذور قدامها اتقلعت
هموت واخدك فى حضني وسامعك بتقوليلى أبعد
كان عقلي فين وأنا كل يوم بكسر قدامك عين؟
مرت سنة هاتيلي مرة اتساوت فيها الكفتين
أبني تهدي، للبر أشد للغريق تشدي
شايفك زي ما شاف خيالي وعمري ماشفتك أنتي
مسكتك سيبتي، قربت قد ما أنتي بعدي
مت ألف مرة فغبتك وأنتي راحتك كانت في غبتي
أبني تهدي، للبر أشد للغريق تشدي
شايفك زي ما شاف خيالي وعمري ماشفتك أنتي
مسكتك سيبتي، قربت قد ما أنتي بعدي
مت ألف مرة فغبتك وأنتي راحتك كانت في غبتي
متتوصفش، حرقة فيا متتكتبش
مش دي اللي قالت حياتي بعدك واقفة مش هتمشي
أشتاق أشوفها، أعدي من قدامها أعرف ظروفها
ألاقي الضحكة تعلى وانعدم علينا خوفها
قالت هسيب هغيب بس مين عارف النصيب؟
علقتني بحبل دايب اسمه أحمد آخر حبيب
بس الكلام كان سهل عايزة أما تغيب تربطنى بحبل
والمفروض أفضل مستني لما الشاب يبقى كهل
أيوه صحيت، فهمت قد إيه ضعيف الخيط
ولا أنتي أم عيالي ولا اللي تصوني جوة بيت
آه حبيت، بس إيه منك لقيت؟
ذل ظلم خيانة وبعتي رغم إني اشتريت
هنيمك في حضني وبيتنا ليك هيبقى جنة
وترجع من شغلك بتجري عليا وفي بالك عيالنا
ده الوتر اللي لعبتي عليه والحلم غدر
وفي النهاية قولتي حلمت بس حكم القدر
القلب اتعصر نزف دم يسقي قلب الحجر
كل اللي سامعه مش رجعالك شيء جوايا اتكسر
إيه اللي اتكسر وليه على اللي بنا انتصر؟
متقوليش كلمة قدرعايزك تقولي مين اللي غدر
حقيقة واضحة بس قلبك رافض المصارحة
فين الحب لما الواحدة تستخسر في حبيبها الفرحة
من أمتى شيلتي هم مبكتش عيوني قبلك
أمتي خوفتي فأترعشتي وملقتنيش في حضني واخدك؟
سلمى، وحياتك ياما قابلتي ناس ولسه باقي
بس اعذريني نص حبي ليكي مش هتلاقي
القلب الميت جالوا يوم ريح عفن تفوحله
والغريبة بير مسموم برجلي كل مرة أروحله
لأول مرة بتضحكني قولة مش عيزاني
ليه عشان في حضني واحدة مستعدة تموت عشاني؟
حب إديت، غدر لقيت، بس أحب أنصحك
متدمعيش من بعدي مش هتلاقي اللي يفرحك
Written by: A
