Enfsam 7ad, Pt. 2

زي ما تكون الحياة معانداك وحالفة لتوقعك

عندك أمل تتقدم مهما كل شيء رجعك

كل ما يبقى فاضلك خطوة تتوجد ظروف تمنعك

إحساس إنك مش واخد حقك أكتر ما بيوجعك

وتقول لعله خير ومن تكرارها تشك في إنه

لا خير ولا عمره كان ده شر ولنفسك زينته

انت ادّعيت الزهد بركة إننا سيبنالك خيش

آخر مرة السما تساعدك كانت أيام قريش

عايز تفصل بينا وبين خالقنا عشان نعيش في غابة

عايزنا نثور على إمتحانه بدل ما تشوف إجابة

هتموت بتحارب الحياة ومدوقتش طعم صلح

كن جميل ترى الجمال كن قبيح فترى القبح

لم تدع هذه القرية العفة لشخصٍ أو لجهة

ربما لا تعني هذه القرية شيئا للألهة

كلها بتقول كلام كبير وبتعرف تلفت نظر

كلها بتقول ربنا كبير وتلف تاخد حذر

أنا طيب وأنا شرير فخايف أعيش وخايف أموت

بخاف الدنيا تسرقني وأخاف العمر مني يفوت

يحصلك خير تقول ثواب شر تقول مصاب

يحصلي خير تقول ده فضل شر تقول عقاب

الحياة يا أذكى أخواتك عشوائية نتيجة إن

ممكن فراشة في ليبيا تكون سبب إعصار في الهند

ومين اللي قالك إنه لو حصل فمش مكتوب

ربك بيسبب الأسباب وكل شىء محسوب

اما هو عارف مين هيتوب ومين هيموت حرامي

ما نتخلق ونخش نار وجنة بدون سياق درامي

وساعتها مش هتقول أنا اتظلمت ما أنا مظلوم

بس هو مين يوم الحساب هيكونله حق يقول

لأ محدش إتظلم ومكانش قدامه اختيارات

ومحدش مبياخدش الـ ٢٤ قيراط

ده أفيون بيضربوه المتدينين فميشوفوش

إن في أشخاص معاها فلوس متملكهاش شعوب

الناس دي قيمة المال في عينها غير في عينك انت

خلفة مشتاق لخلفة غير السابعة لأب ستة

حاسس بيك وعارف كل شىء فكرت فيه

ضاقت الحياة عليك ظنيت إنه السبب في الضيق

حسيته مش مهتم بيك أو كإنه بيعجزك

تستقيم إزاي والمستقيم بيتدهس بالجزم

كل الظروف كات ضدي لكنني في المقاومه قدوة

ما لم تعطيه لي السماء قد اقتلعته عنوة

ويا ترى كام حاجة من اللي حاربت لأجل ما توصلها

ندمت اما وصلتلها عشان منابكش غير شرها

أنا عشت واتعلمت وانت لا عشت ولا هتعيش

لأ عشت لكن مجريتش ورا حاجات متكتبتليش

كان ممكن تاخد أكتر تفرح اكتر لولا غبائك

الدنيا اللي بتدعي إنك فاهمها هفهمهالك

أغنى الناس رغم كل فلوسه عاشها يوم ويوم

يوم مرتاح يوم على أتفه حاجة مكانش يجيله نوم

أفقرهم عاشها بنفس الحسبة يوم ينام جعان

ويوم يرزق بعشا ينام الدنيا مش سايعاه

أنا طيب وأنا شرير فخايف أعيش وخايف أموت

بخاف الدنيا تسرقني وأخاف العمر مني يفوت

ربك كان قادر يصلح العالم فقط بظهوره

دي حجة أي شخص أضعف من الإيمان بوجوده

مش الصعوبة في الإيمان الصعوبة في الأعمال

عشان فرضها عليا إله وجوده مجرد إحتمال

كتر المعاصي حطك على أول طريق الكفر

شيطانك أشطر من حُنين لن تعود بخف

انت بالنسبالك احتمال عدم وجوده مخيف

مش في صالحك تبقى غابة لإنك الطرف الضعيف

انت اللي فشلت تمشي صح فلما ذنوبك تقلت

أصبح عدم وجوده آخر أمل إن انت تفلت

أنا براعي كل الاحتمالات عشان مخسرش حاجة

لو مش موجود أنا عشت لو موجود قلت الشهادة

كان كله عمل زيك لو الجملة هي الدين

مش التوبة باب مفتوح خلاص نتوب على الستين

طب لو مت قبل كده تبقى أكيد متكتبتليش

لأ تبقى أخترت لآخر لحظة إنك متسمعنيش

أنا المقسوم على الإتنين وناتج قسمتي توهاني

أميل لطريق من الإتنين وفترة أميل على التاني

أميل لطريق من الإتنين وفترة أميل على التاني