OVERVIEW

LYRICS

Music Video

Featured In

Listen to 15 HK Rap Up - EP by MastaMic
ALBUM15 HK Rap Up - EPMastaMic

Top Songs By MastaMic

Lyrics

[Verse 1]
It's your boy, MastaMic
Once again, Hong Kong Rap Up
一年又一年今年嚟到第八年Rap Up
一年一度嘅Rap Up當然唔會消失
一年一次我會用rap去總結過去365日
事不宜遲睇下今年我又會rap乜
[Verse 2]
江華五張幾無做幕前轉做保險
佢狠批嘅娃娃舜十幾年後反而有得表演
50歳美魔女羅霖出寫真仲要加印
話唔定我阿媽都可以出嚟行性感
如果阿叻真係叻到Facebook由佢創辦
咁佢當年點會一舗就蝕咗幾千萬
[Verse 3]
四哥怒摑曾江錯手將胡楓眼鏡打竵
Joe Junior堅持揸咪化身做戰地記者
梅艷芳連內衣褲都被人網上拍賣
未見過有遺產管理人係咁*街
大閱兵有藝人話睇到感動流淚
咁感動點解唔加入解放軍為國捐軀
[Verse 4]
Juno一首羅生門係樂壇一舖翻身
由幕後紅到幕前真係紅歌又紅人
家強同CY台上合唱完再影相
原來一早有人已經背棄了理想
阿Sa係雛妓套戲演技大昇華
其實我最羨慕係男主角任達華
既然阿Sa你同的士陳都分開咗
如果你鍾意細過自己不妨考慮吓我
[Verse 5]
亞視一拖再拖員工嘅薪金
咁都夠膽自稱做亞洲良心
最後續牌失敗終於壽終正寢
邱德根知道死咗都隨時激到彈起身
[Verse 6]
黃曉明Angelababy擺200圍世紀婚宴
淨係敬酒環節隨時敬到零晨三點
當有人唱叮噹可否不要老
但可惜林保全已經唔再喺度
如果薛國強行路快過電車咁異於常人
佢應該代表香港去參加下屆奧運
南韓中東呼吸中級綜合綜合呼吸綜合症
我估應該係最橋口摻手嘅醫學名稱
[Verse 7]
廉署用咗三年完成調查曾蔭權
佢係香港史上被起訴嘅最高級官員
搞創新及科技局但又要打擊Uber
咁樣都叫支持科技真係自打咀巴
港鐵唔俾乘客攜帶大型樂器
但係偏偏比水貨客帶大件行李
兩場港中大戰0:0守到最後
俾大家見識到香港有層次嘅足球
[Verse 8]
巴黎恐襲香港Facebook頭像換曬法國國旗
真心為別人加油定係順應潮流要問返你
般咸道石牆嘅百年古樹漏夜被斬
路政署決定草率正宗殺樹唔眨眼
創辦20年嘅八卦雜誌忽然一周
今年突然停刊即刻變做忽然一收
馬雲買起過百年歷史嘅南華早報
咁南早以後咪會變做紅早
係香港逾期居留九年嘅懷仔
搵陳婉嫻諗計最終自願遣返無得留低
區議會選舉見證政治新世代嘅掘起
先有葛佩凡消失再將鍾樹根連根拔起
[Verse 9]
如果胸部可以襲警咁神奇
咁好多靚模都攜帶大殺傷力武器
朱經緯追打市民發生咗成年
人哋退休攞埋長糧都未有任何進展
光明磊落七警幾時先會被人告
搞咗一年終於正式落案起訴
不過同日曾建超被預約拘捕
竟然係戚秦氏翻版原告可以變成被告
[Verse 10]
特首話䕶老院虐老關土地問題事
咁佛光街對情侶咪係土地問題最佳例子
佢仲話自己權力來自中央所以地位超然
最抵死係佢後邊嘅官員聽到反應愕然
梁齊昕自爆媽咪唔係佢親生媽咪
再兜巴摑呢個唔係佢親生媽咪嘅媽咪兩次
第三條跑道嘅空域問題仲未解決
就已經大嗱嗱千幾億幫香港人大出血
高鐵不停超支事件已經夠曬痴線
最危險係到而家仲未搞掂一地兩檢
建制派表決前拉隊離場話要等埋發叔
結局大比數否決劉皇叔無啦啦中伏
[Verse 11]
啟晴邨未來應該會有好多iron man
因為食水含鉛量超標到得人驚
吳克儉TSA公聽會又唔出現
市民訴求擺埋一邊去日本食個放題先
港大校委嫌陳文敏無博士學位係手
話有校委跌親冇show sympathy冇人問候
政府上載喜歡你都觸犯版權修訂條例
連政府都犯法你就知條法例係幾易中計
[Verse 12]
感謝聽緊呢首歌嘅每一位
沉澱咗兩年馬米今年全面回歸
全新嘅音樂配合全新嘅班底
你哋期待咗兩年嘅新專輯即將面世
Written by: MastaMic

Shazam Footer

Select language:

Company

Legal

Google Play Store
Apple App Store
Chrome Web Store
Galaxy Store

Follow Us

© Copyright 2025 Apple Inc. and its affiliates | Supplier Responsibility
instagramSharePathic_arrow_out