食色

翻山涉水食盡大江南北 鮑參翅肚撈埋冷飯菜汁

下欄到高級有乜食乜 背脊向天嘅統統食得

蒸炒煮炸炆燉焗 打邊爐慣一鑊熟

蘇東坡教整東坡肉 撚手嘢請蔡瀾做監督

人上人食海上鮮 平民下價雲呑麵

講味道無分貴賤 好食自然多人賞面

人人都係米芝蓮 個個民以食為天

有心可以食通天 有好嘢我就食咗先

花膠仲未發脹鮑魚配臘腸 達官貴人嗌盅佛跳牆

飯腳約秋香先叫食色生香 冬天梗係食驅風老薑

拍檔最愛食法梗係清蒸 國菜五品色香味意形

鹿䇯虎鞭 以形補形 傳統文化 質量保證

三千美色上青樓 百家美食藏紅樓

美食美色 無得忍口 既然天性點算係籍口

中華飲食 博大精深 武火滾油 開始升溫

家傳香味 零舍醒神 最識食嘅男女係孔聖人

之乎者也 食色性也

之乎者也 時也命也

Fuck Ramsay 我係特級廚師 Trust me 嘴刁到似溥儀

唔使名廚嘅加持 God of cookery 食神周星馳

Keep beefing 無滿漢全席 牛肉我當生菜咁食

一百零八道菜為搵食 睇下舌尖上點樣演繹

花式嘅flow 菜式太dope, underground king 皇帝肚

以前食開嘅好地道 而家食慣啲土豪味道

你無得要求食緊快餐 一日三餐 餐餐唔同餐單

靠水食水 靠山食山 早餐黯然銷魂飯搭多條星斑

乞衣仔食乞衣雞 放入口講身份地位

食盆菜都睇份地契 一路向西為食北菇蒸雞

同條菜私影叫food porn 美女廚房食咗先講

起筷前飲碗牛鞭湯 進補係御膳房嘅偏方

有食唔食 罪大惡極 天生偏食 㨂飲擇食

不時不食 不正不食 不鮮不食 傳統上等人嘅飲食方式

想食就食 人間美食 色香味之間嘅角力

唔同角色 唔同國籍 試混勻晒最啱口味都係中式

之乎者也 食色性也

之乎者也 時也命也