Reginella

Te sì fatta 'na veste scullata

'Nu cappiello cu 'e nastre e cu 'e rrose

Stive 'mmiezo a tre o quattro sciantose

E parlave francese

È accussì?

Fuje l'autriere ca t'aggio 'ncutrata

Fuje l'autriere a Tuleto, gnorsì

T'aggio vuluto bene a te

Tu m'è vuluto bene a me

Mo nun c'amammo cchiù

Ma 'e vvote tu

Distrattamente pienze a me

Regine'

Quanno stive cummico

No magnave ca pane e cerase

Nuje campavamo e' vase

E che vase!

Tu cantave e chiagnive pe' me

E 'o cardillo cuntava cutigo

Raginella 'o vuo' ben a 'stu rre

T'aggio vuluto bene a te

Tu m'è vuluto bene a me

Mo nun c'amammo cchiù

Ma 'e vvote tu

Distrattamente parle 'e me

Oj cardillo a chi aspiette stasera?

Nun 'o vide?

Aggio aperta 'a cajola

Reginella è vulata e tu vola

Vola e canta, nun chiagnere ccà

T'hè 'a truva' 'na patrona sincera

Ca è cchiù degna 'e sentirte canta'

Mo nun c'amammo cchiù

Ma 'e vote tu

Distrattamente chiamme a me